Arrangementstilskot til større nasjonale og internasjonale junior- og seniormeisterskap

Idrettslag og særforbund kan søkje tilskot til store nasjonale og internasjonale junior- og seniormeisterskap som skapar stort engasjement, samhald, motivasjon til idrettsleg satsing og positive ringverknader for næringslivet.

Kven kan søkje?

• Organisasjonsledd knytt til Norges idrettsforbund, Norges Bilsportsforbund og Det Frivillige Skyttervesen. Andre organisasjonar blir vurdert særskilt.
• Idrettslag med adresse i Vestland.

Kva kan du søkje støtte til?

• generell meisterskapsstøtte
• større nasjonale og internasjonale junior- og seniormeisterskap (ikkje Norgescup)
• meisterskap som er likestilte med nasjonale meisterskap som til dømes landsskyttarstevne
• same meisterskapet kan få støtte frå denne ordninga i tre år. Etter det kan det ev. søkjast om driftstilskot til arrangementet.

Vurdering av søknad

Desse kriteria skal omtalast i søknaden:

• tal og geografisk spreiing på deltakarar
• rekruttering og opplæring av frivillige
• budsjett med detaljar om påmeldingsavgift
• krav om kommunal medverknad
• medie- og marknadsføringsstrategi for arrangementet
• nasjonal mediedekning
• tyding for lokalsamfunnet i høve til lokalt næringsliv og andre samarbeidspartar
• arrangør har ein klår og tydeleg miljøprofil (t.d. miljøsertifisering som miljøfyrtårn, at ein har gått igjennom arrangementsvegleiar knytt til berekraft, eller har gjennomført andre tiltak ein kan vise til)
• Vestland fylkeskommune har rett til å gjere eigne vurderingar knytt til regionale føringar og styringsdokument

Sakshandsaming og vedtak

Forvaltningslova ligg til grunn for all søknadshandsaming i Vestland fylkeskommune. Alle søknader er i utgangspunktet offentleg tilgjengelege, jf. forvaltningslova (fvl.). Unnatak gjeld personopplysningar. Desse vert unnateke offentlegheita jf. fvl. §13. I særlege tilfelle kan utsett offentlegheit vurderast etter fvl. Avdeling for kultur og folkehelse førebur søknadane for politisk handsaming og vedtak i hovudutval for kultur, idrett og inkludering. Kvar søknad er eit einskildvedtak og innstilling skal grunngjevast i saksframlegget. Vedtak som fråvik frå fylkesdirektør si innstilling skal også grunngjevast. Søknadene skal i hovudsak vere handsama innan tre månader etter søknadsfrist.