Fv. 5600 Fjordavegen, utbetring

Betre og meir stabil fylkesveg

Vegstrekninga skal forsterkast med å skifte ut vegmassen under vegen, og det blir ny asfalt, nye stikkrenner og nytt rekkverk. Tiltaket vil forlenge levetida til fylkesvegen og det blir enklare og meir føreseieleg å drifte og vedlikehalde vegen, særleg på vinterstid. 

Ei strekning på 210 meter vart forsterka i september og oktober 2026. Etter vellukka og effektivt arbeid ynskjer fylkeskommunen å utvide tiltaket med forsterking av nye 285 meter veg i oktober 2026.

Vegstengingar

Utbetringane krev vegstengingar med gjennomkøyringstider, og vegen blir heilt stengt for trafikk nokre helger i september og oktober hausten 2026. Da blir det båt for persontransport, frå fredag ettermiddag til søndag kveld. 

Sjå 175.no eller vegvesentrafikk-app for stengetider og vegmeldingar. 

Stengeperiode oktober –  november 2026

• 19. oktober – 2. november 2026 (veke 43 og 44)

Stengetider kvardagar

Mandag til torsdag: Stengt for trafikk kl. 07.00–19.00 med gjennomkøyring kvar time.
Fredag: Stengt for trafikk 07.00–18.00 med gjennomkøyring kvar time. Etter dette startar helgestenging.

Stengetider og båttransport helg

Vegen blir heilt stengt for trafikk fredag kveld til mandag morgon denne helga: 

• 23. oktober kl. 18.00 – 26. oktober kl. 06.00
• 30. oktober kl. 18 – 2. november kl. 06.00

Rutetider båt, helg

Rutetider, båt HELG - 23/10–26/10 - 30/10–2/11	Arnafjord	Vik
fredag	kl. 20.40	kl. 21.30
lørdag og søndag	kl. 06.45	kl. 08:00
	kl. 14.45	kl. 16.00
	kl. 20.30	kl. 21.30

Stengingane blir tilpassa skulebuss, heimesjukepleie og mjølkebil. Det blir tilrettelagt for naudetatar. 

Kva gjer vi med fylkesvegen?

Tilstanden på strekningen har forverra seg merkbart siste året, og tiltaket blei prioritert gjennomført hausten 2026. Etter vellukka arbeid i september blir tiltaket vidareført, og tilsaman 495 meter fylkesveg blir forsterka.

På mesteparten av strekninga skal massane skiftast ut 1,5 meter ned, men på fire punkt med særs dårlege grunnforhold må vi grave til 3 meters djupn for å få eit stabilt vegfundament. Her må heile vegen gravast vekk og det må stengast for trafikk under arbeidet. Massane skal i stor grad byttast med lettare massar i geonett. Denne metoden gir langvarig gode resultat for vegen, og arbeidet er mindre tidkrevjande enn å t.d. sette opp murar. 

Det skal også byttast stikkrenner, leggast nytt dekke og settast opp rekkverk.

Tryggleik

Vegen er smal og ligg i bratt terreng utan moglegheit for snu- eller møteplassar. Difor må den stengast for trafikk under delar av arbeidet. Tryggleiken til både trafikantar og dei som gjer jobben må ivaretakast. Det er lagt opp til kontinuerleg og effektivt arbeid dei helgene vegen må stengast. Det blir alternative løysingar for naudetatar gjennom heile perioden. Vi ber om forståing for ulempene stengingane fører med seg og takkar for tolmotet. Vi gler oss til å opne ei utbetra strekning.