Regional plan for areal og mobilitet

Den regionale planen for areal og mobilitet skal gje overordna rammer, prinsipp og konkrete føringar for arealutviklinga i Vestland.

Om planen

Planen handlar om bruk av areal i vestland, og hovudføremålet er å knyte bustadutvikling, næringsverksemd og senterstruktur tettare saman med transport- og mobilitetssystema. Dette skal gi retning mot ei utvikling som brukar areala klokare, reduserer transportbehov og klimagassutslepp, og styrkjer Vestland som ein attraktiv region å bu, arbeide og drive næring i.

Fakta

Fase: Høyring og offentleg ettersyn av planforslag med tilhøyrande handlingsprogram

Område: Vestland

Arbeid med planprogram

Utarbeiding, høyring, offentleg ettersyn og vedtak av planprogram. Høyring frå 26. august til 10. oktober 2025. Vedtak i fylkesutvalet i november 2025.

Utarbeiding av planforslag

Frå november 2025 og fram til hausten 2026.

Høyring og offentleg ettersyn av planforslag med tilhøyrande handlingsprogram

Høyring frå 1. september til 1. november 2026.

Ferdigstilling av planforslag

Arbeid med planforslaget fram til vedtak i fylkestinget i mars 2027.

Høyring av planforslag

Planutkast med tilhøyrande handlingsprogram for regional plan for areal og mobilitet er ute på høyring fram til 1. november 2026.

Les meir og send innspela dine på denne sida.

Informasjonsmøte

Vi held eit digitalt informasjonsmøte om høyringa på dei to regionale planane som er på høyring, 16. september kl. 08.30–10.00.

Om planarbeidet

Det er eit mål å samle retningsliner for arealbruk i Vestland i denne planen. Planen skal legge til rette for samarbeid og samordning mellom statlege, fylkeskommunale og kommunale styresmakter i gjennomføringa.

Planen skal legge eit grunnlag for at arealbruk og mobilitet bidreg til å oppnå måla i Utviklingsplan for Vestland.

Her er vi i prosessen

Vi har no laga eit utkast til plan og handlingsprogram, med utgangspunkt i intern og ekstern medverknad og innspel. Planforslaget er på høyring og offentleg ettersyn frå 1. september til 1. november 2026.

Gjennom høyringsperioden held vi fleire møte for å orientere om planutkasta og hente inn innspel. Vi ønskjer ein open dialog som gjer planen betre, meir treffsikker og gjennomførbar. Fylkestinget skal vedta planen i mars 2027.

To nye regionale planar

Vestland fylkeskommune arbeider no parallelt med to nye regionale planar: regional plan for verdiskaping og kompetanse og regional plan for areal og mobilitet. Les om arbeidet med regional plan for verdiskaping og kompetanse.

Oppdatert: 31. august 2026