Fritidserklæringa Vestland

Fritidserklæringa bygger på FN sin konvensjon om barn sine rettar, artikkel 31. Denne handlar om at alle barn har rett til å delta i leik, kulturliv, kunstnarisk verksemd og fritidsaktivitetar.

Den nasjonale fritidserklæringa (pdf) var signert første gong i 2016 og på ny i 2022. Dei som har signert erklæringa er einige om at alle barn og ungdomar skal ha høve til å delta i fritidsaktivitetar og involverast i og ha medverknad over leik og fritidsaktivitetar. Erklæringa er signert av Statsministeren, seks statsrådar, KS, Norsk kulturskoleråd og 19 paraplyar og organisasjonar frå frivillig sektor.

I tillegg til den nasjonale fritidserklæringa har enkelte kommunar laga lokal fritidserklæring. No skal vi lage Fritidserklæringa Vestland som eit samarbeid mellom offentleg sektor, frivilligheita og privat sektor. Ei arbeidsgruppe er sett ned til å jobbe med Fritidserklæringa Vestland. I gruppa sit representantar frå Vestland ungdomsutval, Vestland idrettskrets, Vestland frivilligsentralar, ALLEMED og fylkeskommunen.  Samarbeidskomiteen for frivilligheit i Vestland er referansegruppe i arbeidet.

Fritidserklæringa blir signert under Frivilligkonferansen Vestland i Bergen 28. september.