Fritak frå vurdering med karakter i skriftleg sidemål

Dersom du er privatist og fyller vilkåra, kan du søkje om fritak frå vurdering med karakter i skriftleg sidemål.

For å søkje om fritak frå sidemål må du fylle eit av desse vilkåra:

  • Du har vanskar med å lære både bokmål og nynorsk på grunn av dokumentert sjukdom, skade eller dysfunksjon.
  • Du har ikkje gått i norsk grunnskole på 8. til 10. trinn.
  • Du har eller har hatt særskild språkopplæring i løpet av 8. til 10. trinn eller i vidaregåande opplæring.
  • Du har i løpet av 8. til 10. trinn eller i den vidaregåande opplæringa gått på ein internasjonal eller utanlandsk skole i Noreg som er godkjend for ikkje å gi vurdering med karakter i sidemål.

Du kan lese meir om fritak frå vurdering med karakter i skriftleg sidemål i forskrift til opplæringslova § 9-21

Det er  berre den skulen eller fylkeskommunen som skal skrive ut vitnemålet til deg, som kan behandle ein søknad om fritak frå vurdering med karakter.

Eg har allereie eit vitnemål

  • Ta kontakt med skulen som har skrive vitnemålet ditt

Eg har ikkje vitnemål

  • Det er det fylket der du sist fekk ein standpunktkarakter som skal behandle søknaden din. 
  • Vi kan berre behandle søknaden din dersom du sist fekk standpunktkarakter frå ein skule i Vestland.
  • Ta kontakt med oss dersom du er usikker på kva som gjeld deg.

Her finn du kontaktinformasjon til andre fylke

Privatistar kan søkje om tilrettelegging av eksamen i kroppsøving. 

Les meir på sida Tilrettelegging av eksamen

For privatistar kan fritak frå kroppsøvingsfaget berre innvilgast dersom privatisten har dokumentasjon og grunngjeving frå sakkunnig instans om at det ikkje er mogleg å tilrettelegge den praktiske delen av eksamen og at all praktisk øving vil vere skadeleg for privatisten.

Du kan lese meir i forskrift til opplæringslova § 5-10 Fritak frå opplæring eller eksamen i kroppsøving