Nesten ti millionar til kulturbygg i Vestland

Til saman 15 kulturbygg får støtte, alt frå store bygg som Sentralbadet scenekunsthus i Bergen og Florø kulturhus i Kinn til ungdomshusa blant andre på Tysnes, i Jostedal og Hyllestad.

– Desse kulturbygga er viktige møtestadar i lokalsamfunna som saman er Noregs leiande kulturfylke Vestland. Vi ser at behovet og potensialet er langt større enn ramma vi har fått frå staten. Vi jobbar difor for at Vestland får meir til fordeling i denne ordninga framover, i tillegg til alt vi brukar av eigne midlar til kulturbygg, seier Jacob Nødseth, leiar for hovudutval for kultur, idrett og inkludering.

Hovudutvalet fordelte midlane, som er spelemidlar frå Kultur- og likestillingsdepartementet, i møtet 16. september.

Desse kulturbygga får tilskot

Kommune	Søkjar	Anleggsnamn	Tilskot
Askøy	Askøy kommune	Kleppestø idrettspark, kultursal	1 239 000
Bergen	Bergen kommune	Sentralbadet scenekunsthus	2 000 000
Etne	Skakke SA	Skakkesenteret kulturhus	750 000
Fjaler	Vener av Nilsbua	Nilsbua	102 000
Hyllestad	Øen grendalag	Sørbøvåg ungdomshus Vonheim	189 000
Kinn	Kinn kommune	Florø kulturhus	750 000
Kvinnherad	Fjelberg bygdalag	Fjelberg bygdahus	380 000
Lærdal	Frilund ungdomshus / Lærdal ungdomslag	Lærdal ungdomshus, Frilund	484 000
Luster	Jostedal ungdomslag	Dølaheimen	579 000
Solund	Solund kommune	Solund ungdomsskule	500 000
Stad	Hennebygda samfunnshus	Hennebygda samfunnshus	345 000
Stord	Stord kommune	Nysæter ungdomsskule, kulturbygg	800 000
Sunnfjord	Sunnfjord kommune	Førdehuset	585 000
Tysnes	Tysnes ungdomslag	Vonheim ungdomshus	500 000
Vik	Vik ungdomslag	Vikjahalli	700 000

 

Vestland fylkeskommune fekk i år eit rammebeløp på 8 841 000 kroner frå Kultur- og likestillingsdepartementet, og har i tillegg nytta rentemidlar og avsette klagemidlar for å auke potten til 9 903 000 kroner. Det vert sett av 67 855 kroner til eventuell klagebehandling for 2026.