Digitalt informasjonsmøte om nye regionale planar

Vestland fylkeskommune arrangerer digitalt informasjonsmøte i samband med høyringa av Regional plan for areal og mobilitet og Regional plan for verdiskaping og kompetanse.

Publisert Endra

Alle er velkomne å gi innspel til dei to nye regionale planane. Vi oppmodar kommunar, statlege organ, næringsliv, frivilligheit og alle som er interesserte i framtida til fylket vårt til å gje innspel. Vestland fylkeskommune er særleg opptekne av å involvere unge stemmer. 

Kva ønskjer vi dykkar syn på? 

Høyringa er open, og vi tek gjerne imot innspel til alle delar av planforslaga. Peikar planane i rett retning? Er grepa som vert foreslått dei rette? Og kva forventar de av fylkeskommunen som rettleiar og støttespelar?

Høyringsfrist og innspel

Du kan levere høyringsinnspel ved å fylle ut elektronisk skjema innan fristen 1. november. Skjemaet er inndelt etter kapittel i planforslaget. Vi oppmodar deg til å lese gjennom skjemaet før du byrjar å skrive. Sjå høyringssidene til planane for meir informasjon om høyringa og lenke til høyringsskjemaet.

Har du spørsmål?

Dersom du lurer på noko om høyringa eller dei to nye regionale planane, ta kontakt med

  • prosjektleiar Kata Urban om Regional plan for verdiskaping og kompetanse
  • prosjektleiar Marianne Bugge om Regional plan for areal og mobilitet