Veglys på fylkesvegen

LED-lys er med å minske den negative påverknaden kunstig lys har på natur, dyr og insekter. I tillegg vil oppgraderinga til LED redusere vedlikehaldsbehovet betrakteleg, noko som igjen vil føre til færre feil på veglysnettet i framtida. 

Men medan arbeidet pågår blir det mørkt på vegane. Det blir heller ikkje prioritert å byte slokte lyspærer der det skal i gang arbeid seinare. 

Slik melder du feil på veglys 

(Meldingsystemet ligg i ei ramme under denne punktlista)

1. Finn riktig område: Start med å velje riktig område i kartet nedanfor, og gå deretter til det spesifikke feilmeldingskartet (Dokflyt). 
2. Vel lampe med feil: Klikk på lampen som har feil. Om du har GPS-posisjon tilgjengeleg, kan du trykke på knappen nede i høgre hjørne for å zoome inn til området du er i.  
3. Spesifiser type problem: Vel om feilen gjeld: 
   - Eit gatelys Fleire samanhengande gatelys 
   - Mørklagt område (alle lamper på ei strekning er mørke, ofte på grunn av ein sikringsfeil). 
   Merk: Dersom fleire lampar i eit område er mørke, er det tilstrekkeleg å melde feil på éin av dei. 
4. Beskriv feilen: Angi kva meldinga gjeld, og legg gjerne til ein utfyllande kommentar eller bilete. 

PS: Du vil ikkje motta tilbakemelding på e-post eller SMS, men du kan leggje inn kontaktinformasjon dersom vi skulle trenge fleire opplysningar.