Første del av bruprosjektet Ytre Steinsund er lyst ut

Bruprosjektet er delt inn i to entreprisar; den eine er vegdelen, som inneheld bygging av 4,8 kilometer ny tofeltsveg, riggområde, og nytt kryss ved Daløy og Nåra. Riggområdet for prosjektet blir i Søre Mortevika. Det er denne vegkontrakten som no er lyst ut, med oppstart etter sommarferien.

Det skal byggast veg på øyane Sula og Ytre Sula, vegen vil gå både i skjæring og på fylling. Vegen koplast på fv. 606 i nordaust, rett nord for Daløy ferjeleie. I sørvest koplast vegen på fv. 5591 vest for Nårøyna.

Brua lyst ut seinare

Sjølve bruenterprisa inneheld ei 840 meter lang bru. Det vil bli ei fritt frambygg-bru, som skal krysse over fleire holmar, og der det største spennet blir 240 meter. Denne kontrakten skal lysast ut i løpet av 2022, med oppstart i slutten av 2023.

Heile prosjektet skal stå ferdig i løpet av 2026.