Fv. 606 Ytre Steinsund bru

Bruprosjektet heilt ytst i Solund kommune består av ei bru på 811 meter og 4365 meter ny veg, og skal erstatte ferjesambandet Daløy– Haldorsneset. Brua vil gje innbyggjarane på Ytre Sula eit fast og døgnope samband til kommunesenteret Hardbakke og resten av øykommunen. Sambandet skal stå ferdig innan 31. desember 2026.

Fakta

Fase: Byggefase

Veg: Fv. 606

Område: Solund

Kostnad: Tiltaket skal finansierast ved ferjeavløysingsmidlar og fylkeskommunal løyving, og har ei kostnadsramme på 1,264 milliardar i 2023-kroner.

Juni 2024

To senkekasser/brudundament vart frakta ut i sundet.

Mars 2024

Overtaking av tilkomstvegane.

Desember 2023

Oppstart brubygging

Juni 2023

Kontraktsignering på bygging av brua

September 2022

Første salve på vegdelen av bruprosjektet

August 2022

Signerte kontrakt på nye vegar til brua

Juni 2021

Fylkestinget godkjende byggestart

Illustrasjonsfoto som viser ei bru som kryssar eit sund. — Illustrasjon som syner korleis brua skal sjå ut (Illustrasjon: Skanska)

Arbeidet med å bygge tilkomstvegar til brua starta hausten 2022, og desse var ferdige mars 2024. I desember 2023 starta bruentreprenør Skanska på rigginga i Søre Mortavika, og på nyåret starta grunnarbeidet i sundet.

Frå bygginga av Ytre Steinsund bru, mai 2024 (Foto: Skanska)

I juni vart to senkekasser/brudundament som var støypte ved riggområdet i Søre Mortevika frakta ut i sundet. På Brattholmen starta støypinga av brupilarane sommaren 2024.