Søk om forskar til låns (FORREGION Vestland)
Målet med "Forskar til låns" er å etablere og styrke samarbeidet mellom bedrifter og forskingsorganisasjonar. Støtteordninga skal bidra til å utvide nettverk, stimulere til samarbeid og bidra til utveksling av kunnskap mellom forsking og næringsliv.
Bedrifta får støtte til å engasjere ein forskar med relevant kompetanse som samarbeider med tilsette om forsking, utvikling og nyskaping i ein periode på 4 til 12 månader. Samarbeidet skal vere knytt til ein konkret prosjektide, og prosjektet må vere innretta slik at både forskaren og bedrifta har nytte av det.
Bedrifta må også ha ambisjon om at samarbeidet skal føre til vidare forsking og til søknader i større utlysningar.
Forskaren i prosjektet må vere tilsett i ein godkjend forskingsorganisasjon.
Kven kan søke?
Bedrifter som er lokalisert i Vestland fylke kan søke om støtte.
Det er mogleg å få inntil 100 000 kroner i støtte til "Forskar til låns". Det er krav til eigenfinansiering som del av samla kostnader for gjennomføringa av prosjektet.
Kom i gang
Ta kontakt med ein kompetansemeklar dersom du er interessert i å søke om å få ein forskar til låns.