For føresette

Alle som har fullført grunnskulen eller tilsvarande har rett på vidaregåande opplæring. Det same gjelde for dei som har fullført vidaregåande opplæring i eit anna land, men som ikkje får godkjent opplærings si som studie- eller yrkeskompetanse i Noreg.

Ved søknad til trinn 1 har ein rett på inntak til eitt av tre valde utdanningsprogram. Ein skal oppgi tre alternative utdanningsprogram i prioritert rekkjefølgje.

Ved søknad til trinn 2 eller trinn 3 har ein rett til inntak til eit programområde som byggjer på det utdanningsprogrammet eller programområdet ein har valt. Ein bør alltid oppgi fleire alternativ på søknaden.

Vidaregåande opplæring heilt til du fullfører

Retten gjeld fram til du har oppnådd studiekompetanse eller yrkeskompetanse, uansett kor lang tid ein bruker på å oppnå dette. 

Dei som ikkje har oppnådd studiekompetanse eller yrkeskompetanse innan det året ein fyller 24 år, har rett til vidaregåande opplæring for vaksne. Dei mellom 19 og 24 år kan velje om de vil ha opplæring organisert for elevar eller vaksne.

Omval av vidaregåande opplæring

Ein kan gjera så mange omval ein ønskjer fram til søknadsfristen for inntak det året ein fyller 19 år. Dersom du ikkje har brukt retten til omval før du er 19 år, har du rett til eitt omval seinare.

Yrkesfagleg rekvalifisering

Ein kan ta eit nytt fagbrev sjølv om ein har eitt fagbrev frå før, eller har fullført med studiekompetanse. Ein har rett til fag- og yrkesopplæring fram til éin ny sluttkompetanse innanfor eit yrkesfagleg utdanningsprogram (vidaregåande opplæring for vaksne).

Les meir om retten til vidaregåande opplæring på Vilbli.no

Ein kan søkje på alle skular i fylket, men ein får berre inntaksområdepoeng til skular som ligg i sitt inntaksområde. Dette gjeld berre ved søknad til trinn 1. Oversikt over dei åtte inntaksområda i Vestland finn du på Vilbli.no.  

Dersom skulane i inntaksområdet ikkje har utdanningsprogrammet ungdommen søkjer på, blir det gitt inntaksområdepoeng til alle skulane som har tilbodet.

Dersom ungdommen har føresette i to inntaksområde vil det bli gitt poeng i begge områda under føresetnad av at det blir sendt inn digitalt skjema «Melding om flytting».  

Unntak frå nærskuleprinsippet

Ein får ikkje inntaksområdepoeng til fylkesdekkande tilbod:

• Idrettsfag
• Musikk, Dans og Drama
• Naturbruk
• Pre-IB
• YSK-tilbod
• Tilbod tilrettelagt for minoritetsspråklege
• Yrkesfag med studiekompetanse (elektro- og datateknologi og helse- og oppvekst)

Les meir om desse tilboda på Vilbli.no  

Kor mange poeng får søkjaren?

Søkjaren får 100 poeng som blir lagt til karakterpoenga frå grunnskulen.

Korleis får ein inntaksområdepoeng?

Dersom ungdommen søkjer på skulane i inntaksområdet sitt blir det gitt inntaksområdepoeng.

Den vidaregåande opplæringa har 15 ulike utdanningsprogram, 5 studieførebuande og 10 yrkesfaglege.  

Det første året vel ein utdanningsprogram, det andre og tredje året vel ein eit programområde innan utdanningsprogrammet. Kvart programområde har programfag som er spesifikke for det programområdet ein har valt. Ein fordjupar seg da i eit fagområde innan utdanningsprogrammet. 

På trinn 3 eller etter oppnådd yrkeskompetanse kan ein velje påbygging til generell studiekompetanse i alle dei yrkesfaglege utdanningsprogramma.  

På Vilbli.no finn du omtale av programområda, kva for tilbod vi har i Vestland, og kva for tilbod den enkelte skulen har. 

Til desse tilboda vert det ikkje gitt inntaksområdepoeng og alle søkjarane stiller difor likt uansett kor i fylket ein bur.

Les meir om pre-IB, yrkesfag med studiekompetanse, YSK-modellen, Spissa toppidrett og studiespesialisering med teknologifag på Vilbli.no.

Utveksling til utlandet

Elevane kan ta Vg2 i utlandet. Ein kan velje mellom Frankrike, Tyskland, USA og fleire andre land. Meir om dette tilbodet finn du på nettsidene våre.

Det kan vere vanskeleg å vite korleis ein skal hjelpe ungdommen med å velje utdanning.

På Utdanning.no kan du lese meir om kva du som føresett kan gjere.

Alle som søkjer vidaregåande skole og formidling til læreplass i bedrift søkjer på Vigo.no.

Eleven treng elektronisk ID (t.d. MinID eller BankID) for å logge inn.

Dersom ein treng hjelp til MinID, kontakt brukarstøtta for MinID og elektronisk ID på brukerstotte@digdir.no eller telefon 800 30 300.

I søknaden legg eleven inn ønskjer i prioritert rekkjefølgje.

Ved søknad til trinn 1 har ein rett på inntak til eitt av tre valde utdanningsprogram. Ein skal oppgi tre alternative utdanningsprogram i prioritert rekkjefølgje.

Ved søknad til trinn 2 eller trinn 3 har ein rett til inntak til eit programområde som byggjer på det utdanningsprogrammet eller programområdet ein har valt. Ein bør alltid oppgi fleire alternativ på søknaden.

Eleven bør søkje på fleire skular på kvart utdanningsprogram/programområde.

Søknadsfrist

1. mars er ordinær søknadsfrist for vidaregåande skule og formidling til læreplass.

1. februar er søknadsfrist for dei som søkjar om inntak etter fortrinnsrett, ved individuell behandling og for minoritetsspråklege søkjarar.

Hovudregelen er at ein ikkje får endra søknaden etter søknadsfrist. 

Unntaket er dersom det er særlege medisinske, sosiale eller pedagogiske grunnar som har oppstått etter søknadsfrist. Ein må da sende inn dokumentasjon frå relevant instans.

Det kan til dømes vere at eleven

• skal flytte med familie eller det er gjort vedtak om flytting av barnevernet som gjer at eleven må endre skulane hen har søkt på
• grunna funksjonsfall/sjukdom ikkje lenger kan gå på utdanningsprogrammet eleven har søkt på
• ikkje kvalifiserar til trinn 2/trinn 3 som eleven har søkt på 

Søk om å endre søknad i skjema for endring/omprioritering av søknad som ein finn på heimesida til Vestland fylkeskommune.

Skjema kan nyttast i perioden frå 1. april til 1. juni. 
Dei som er ukvalifisert til trinn 2/trinn 3 kan endre søknaden frå 1. juni til 23. juni. 

I Vestland har vi tre inntaksomganger før skulestart i august. Dato for desse varierer litt frå år til år, men første inntak er i starten av juli.

Årets datoar finn du i Inntakskalenderen på Vilbli.

Karakterbasert inntak

Inntaket blir gjort på grunnlag av karakterpoeng. Det er standpunkt og eksamenskarakterane på vitnemålet frå 10. klasse, eller kompetansebeviset frå vidaregåande skular, som er poenggjevande.

Søkjarar til trinn 1 kan i tillegg få inntaksområdepoeng dersom skulen ligg i inntaksområdet til søkjaren. Meir om inntaksområda

På Vilbli.no finn ein informasjon om korleis ein reknar ut poengsum.

Registrering av svar før inntaket (førehandsvar)

Søkjaren kan leggje inn førehandsvar i perioden 1. mai til 30. juni.  

På dette tidspunktet veit ein ikkje kva tilbod ein får, men det er likevel betre å svare Ja til plass og Ja til venteliste enn å miste plassen på grunn av manglande svar.

Registrert førehandssvar gjeld for alle inntaksomgangane. I den ordinære svarperioden i juli kan eleven likevel gå inn og endre svaret sitt dersom ein ønskjer det.

Melding om inntak

Dei som har registrert mobilnummer i vigo får ein SMS om at inntaket er klart i juli. Alle må logge seg inn på Vigo med MinID for å sjå kva tilbod ein har fått og for å svare på tilbod om plass og/eller venteplass.  

Ved 2. og 3. inntak er det berre dei som får nye tilbod om plass (ikkje ved endring i ventelisteplass) som får SMS.

Svare på tilbod om plass og/eller venteplass

• Tilbod om plass på fyrste ønske? Bør svare ja, får ikkje tilbod om plass på lågare ønske
• Tilbod om plass på eit lågare ønske og ventelisteplass på eit høgare ønske? Bør svare ja til begge delar. Men dersom ein seinare får tilbod om plass på eit høgare ønske, har ein ikkje lenger plassen ein takka ja til tidlegare.

  NB! Om ein ikkje ønskjer å stå på venteliste til alle høgare ønske, må søkjaren sende e-post til inntak@vlfk.no

• Berre tilbod om ventelisteplass? Bør svare ja. Svarer ein nei, blir ein teken ut av inntakssystemet

Svarfristar

Må svare på tilbod om plass om lag ei veke etter tilbod er gitt

Ein mister tilbod om plass og/eller ventelisteplass dersom ein ikkje svarer innan fristen. Sjå inntakskalender for datoar.

Vi anbefaler at søkjar registrerer svaret sitt på Vigo.no så snart inntaksresultatet er klart. Skiftar søkjar meining kan svaret endrast før svarfristen går ut. 

Merk at dersom ikkje svarfristane blir haldne vil søknaden bli stoppa, og søkjar mister tilbod om plass eller venteliste.

Fleire søkjarar med same poengsum

Dersom fleire søkjarar står likt i konkurransen om den/dei siste plassane, blir det brukt maskinell loddtrekning for å avgjere kven som får tilbod om plass og kven som blir første på ventelista.

Endring i ventelisteplassering

Vi gjer merksame på at opplyst ventelisteplassering kan bli endra til høgare nummer ved ein seinare inntaksomgang.

Hovudgrunnane til dette er at søkjarar har fått medhald i klagebehandling av karakterar, eller at nye søkjarar har flytta til Vestland saman med føresette i inntaksperioden.

Ikkje fått skuleplass etter 2. inntaket

Alle søkjarar med ungdomsrett vil få eit tilbod om plass før skulestart.

Venteliste og inntak etter skulestart

Etter skulestart står søkjarane framleis på venteliste og vil bli tatt inn dersom det blir ledige plassar. Blir det ledig plass tar skulen som eleven får plass ved kontakt med eleven.

Den vanlegaste grunnen til at det blir ledige plassar er at elevar ikkje møter til skulestart.

Frå 1. september er inntaket formelt avslutta, og ventelisteplassering vil ikkje lenger gjelde. Skulen kan då ta inn elevar uavhengig av tidlegare venteliste.

Det har inga hensikt å møte direkte på skulen for å få plass ved skulestart. Skulane skal følgje ventelista heilt fram til 1. september.

Poenggrense

Nedre poenggrense viser kva poengsum du må ha for å komme inn på dei ulike skulane og utdanningsprogram.

Poenggrensene endrar seg mellom inntaksomgangane. Når vi har utarbeidd ei oversikt over nedre poenggrense i pågåande inntak, vil den bli lagt ut på nettsida vår. Her finn du også oversikt over nedre karaktergrense for tidlegare år.

Alle vidaregåande skular i Vestland har skulestart i midten av august, men frammøtetida kan variere frå skule til skule. På skulen si nettside vil du finne meir informasjon. Finn skule.

Førebuing til skulestart

Før ein skal starte på skulen må ein førebu seg når det gjeld:

• Elev-PC - Alle elevar i vidaregåande skule må ha eigen PC. Eleven kan kjøpe ein rimeleg PC gjennom Vestland fylkeskommune eller bruke eigen pc. Meir om elev-pc.
• Lånekassen – Eleven kan søkje om utstyrstipend. Les meir om dette på Lånekassen.no
• Skuleskyss – Skyss har tilbod til elevane. Meir informasjon på Skyss
• Lånekontrakten - Alle elevar må underteikne den digitale lånekontrakten for utlån av læremidlar, skuleutstyr o.l. Logg inn med MinID

Obligatorisk oppmøte første skuledag

Dersom eleven ikkje møter første skuledag blir ein stroken som elev, og kan ikkje krevje å få tilbake plassen seinare.

Har eleven gyldig fråværsgrunn (sjukdom eller annan sosial grunn, dokumentert av lege eller offentleg instans) må skulen varslast seinast første skuledag. Melding om fråvær gir ein til skulen over telefon eller e-post, og dokumentasjon må leverast første frammøtedag. Utan dokumentasjon kan ein ikkje rekne med å få behalde tildelt plass.

Eleven kan ikkje rekne med å få fri til feriereiser ved skulestart. Det er den einskilde skule som vurderer søknad om ev. permisjon ved skulestart. Inntak behandlar ikkje desse søknadane, så ta kontakt med skulen dersom de har spørsmål. Kriteria for permisjon er strenge. Utan skriftleg permisjon frå skulen mistar eleven tildelt plass dersom ein ikkje møter første skuledag.

Dersom eleven møter til skulestart, men deretter ikkje møter dei følgjande skuledagane utan å melde frå, vil ein også miste plassen utan nærare varsel. 

Her finn du forklaring på dei vanlegaste omgrepa vi bruker:

• Utdanningsprogram = det ein tidlegare kalla studieretning
• Programområde = eit fagområde som ein fordjupar seg i innan eit utdanningsprogram.
• Programfag = faga som er spesifikke for eit programområde.
• Trinn 1/2/3 = Første/andre/tredje året på vidaregåande skule
• Ungdomsrett = Den retten ungdommen har til å kunne ta tre års vidaregåande opplæring etter fullført ungdomsskule. Ungdomsretten varer ut det skuleåret som startar det året ungdommen fyller 24 år. Dette er under føresetnad av at ungdomsretten ikkje er brukt opp tidlegare.
• Påbyggingsrett = Den retten ungdommen har til påbygging til generell studiekompetanse etter yrkeskompetanse eller bestått fag-/sveinebrev. Alle som får påbyggingsrett har brukt opp ungdomsretten sin. Påbyggingsretten gjeld ikkje påbygging til generell studiekompetanse etter Trinn 2.
• Nedre poenggrense = poengsummen til den siste søkjaren med ungdomsrett som blei tatt inn.

Vi har ei samordna skulerute som er rettleiande for alle skulane våre. Du finn den på nettsida vår.

Men skulane følgjer i hovudsak kommunane si skulerute, så nokre av ferie- og fridagane kan variere frå skule til skule. Gå difor inn på skulen si nettside for å finne oversikt over ferie- og fridagar.

Finn lenke til skulen