Skildring av eit nytt, innovativt opplæringsprogram for tannhelsepersonell: Bekjemping av vald, overgrep og omsorgssvikt gjennom historieforteljing
Korleis kan opplæringsprogram utformast for å på best mogleg måte bidra til læring og påverke åtferd blant tannhelsepersonell i møte med pasientar som er eller står i fare for å bli utsette for vald, overgrep eller omsorgssvikt? I denne artikkelen vert utviklinga av det forskingsbaserte og tverrfaglege opplæringsprogrammet «Kunnskapsreisa for tannhelsepersonell» skildra.
Programmet består av eit 7,5 timars seminar som byggast opp omkring dokumentarfilmen “Alt det jeg er». Gjennom Emilies forteljing i dokumentaren, forskingsbasert innhald, ekspertintervju og gruppeøvingar, aukar programmet medvitet, kunnskapen og kompetansen til tannhelsepersonell. Kunnskapsreisa er delt inn i sju kapittel og tek for seg tannhelsetenesta si rolle ved avdekking av vald, overgrep og omsorgssvikt, kunnskap om traumer og traumesensitiv behandling, informasjon om statens barnehus og deira samarbeid med tannhelsetenesta, samt informasjon om lovverk relevant for tannhelsetenesta.
Målet med programmet er å styrke tannhelsepersonell si evne til å førebyggje, oppdage og handtere tilfelle av vald, overgrep og omsorgssvikt, samt å oppfylle deira lovpålagde meldeplikt. Artikkelen belyser korleis bruken av ekte historier og aktiv læring kan fremje kunnskap og åtferdsendring.
Les hele artikkelen her
Artikkelforfattarar:
Frida Kathrine Sofie Mathisen, Tone Grøttjord-Glenne, Karin Goplerud Berge og Ingfrid Vaksdal Brattabø.