Samanhengen mellom opplæring om vald, overgrep og vanskjøtsel og innsending av bekymringsmeldingar til barnevernstenesta, ein tverrsnittstudie blant offentleg tannhelsepersonell i Noreg.

Målet med studien var å undersøke om det er ein samanheng mellom tannhelsepersonell si opplæring knytt til avdekking av vald, overgrep og vanskjøtsel og utøving av meldeplikta/opplysingsplikta.

Fyrst undersøkte ein om det var samanheng mellom opplæring siste tre år (2016 til og med 2018) og innsendte bekymringsmeldingar i same periode. Vidare undersøkte ein om det var ein samanheng mellom uttrykt behov for opplæring og innsendte bekymringsmeldingar.

Studien viste at 50 % av offentleg tannhelsepersonell hadde sendt bekymringsmelding til barnevernet i perioden 2016 til og med 2018.

Denne studien viser at det er ein samanheng mellom tannhelsepersonell si opplæring knytt til avdekking av vald, overgrep og vanskjøtsel og utøving av meldeplikta/opplysingsplikta. Det var meir sannsynleg at tannhelsepersonell som hadde mottatt opplæring i 2016-2018 hadde sendt bekymringsmeldingar til barnevernstenesta samanlikna med dei som ikkje hadde motteke opplæring. Sannsynlegheita for å ha sendt bekymringsmelding auka med antall dagar med opplæring.

For å styrka tannhelsepersonell i si utøving av meldeplikta/ opplysningsplikta er det viktig å sikra tannhelsepersonell regelmessig opplæring.

Du kan lese artikkelen her

Artikkelforfattarar: Nancy Birungi, Karin Goplerud Berge, Anne Nordrehaug Åstrøm, og Ingfrid Vaksdal Brattabø.