Tannhelsetilbod til 19-26-åringar

Tannhelsetilbod til 19-26-åringar

Alle som er 19 - 26 år, og som har budd meir enn fem år i Noreg, kan ha krav på 75 prosent rabatt på nødvendig behandling. Frå 1. november 2024 må behandlinga gå føre seg på ein offentleg tannklinikk for at du skal få rabatt.. Dersom du ikkje allereie har avtale om oppfølging på offentleg tannklinikk, men ønsker det, så ta kontakt med din offentlege tannklinikk.

Finn din tannklinikk. 

Kjeveortopedisk behandlingTannregulering, som brukast for å behandle bittavvik og tannstillingsfeil.  og kosmetiskEndring av utseende på tennene, som tannbleiking o.l.tannbehandling gir ikkje rabatt.

Les meir om dine rettar på Helse Noreg: Tannbehandling for unge vaksne.

Kva gjer du som er 19-26 år for å få tannhelsetilbod med rabatt?

1. Ta kontakt med din offentlege tannklinikk, dersom du ikkje allereie har time eller avtale om oppfølging hos offentleg tannklinikk. Finn din tannklinikk. 
2. Dersom din tannklinikk ikkje har kapasitet til å ta deg inn på noverande tidspunkt, kan du bli vist vidare til ein anna offentleg tannklinikk eller bli sett på venteliste. Om du får akutte problem i ventetida, så ta kontakt på ny med din tannklinikk.  

Det er di folkeregistrerte adresse som avgjer kva tannklinikk du høyrer til. Dersom du har midlertidig adresse i andre delar av fylket eller landet, så ta kontakt med den offentlege tannklinikk som er nærast di midlertidige adresse. Studentar eller andre med midlertidig adresse i Bergensområdet kan ta kontakt med Viken tannklinikk. 

Behandling utført privat og innsendte refusjonskrav

Om du har hatt tidlegare avtale om å gå privat og søke om refusjon frå fylket, så kan du framleis søke om refusjon på tannbehandling utført før 1. november 2024 i digitale refusjonsskjema. Kontonummeret du ønsker å få pengane refundert til må tilhøyre deg for at tilbakeføringa av pengane skal gå igjennom. Hugs å føre opp ditt eige kontonummer og ikkje foreldre eller andre som har lagt ut for deg sine kontonummer. 

Du vil bli bedt om å legge ved spesifisert kvittering på tannbehandlinga. Ei slik kvittering syner godkjent betaling (gjennomført transaksjon) og kva tannbehandling som er utført (spesifisert kvittering). Vi ønsker ikkje kopi av journal.

Skjemaløysinga for refusjon vil bli avvikla frå 1.1.2025, så pass på å sende inn eventuelle refusjonskrav så snart som råd. 

Ventetid

Vi får inn mange refusjonskrav og saksbehandlingstida kan i periodar vere lang, på opp til 2-3 månadar. Du får ikkje brev om at du har fått refusjon, sjekk gjerne kontoen din.

For privat tannhelsepersonell

Du som er privat behandlar finn meir informasjon under 19-26 åringar på sida "For samarbeidspartane til tannhelsetenesta".