Det er eit mål å samle retningsliner for arealbruk i Vestland i denne planen. Planen skal legge til rette for samarbeid og samordning mellom statlege, fylkeskommunale og kommunale styresmakter i gjennomføringa.
Planen skal innehalde verktøy og kunnskapsgrunnlag til hjelp for dette. Planen skal legge eit grunnlag for at arealbruk og mobilitet bidreg til å oppnå måla i Utviklingsplan for Vestland.
Her er vi i prosessen
Planarbeidet startar med at fylkeskommunen utarbeidar eit planprogram. Planprogrammet er eit viktig verktøy for å avklare rammene for planarbeidet og vert fastsett av fylkestinget i Vestland, etter at det har vore til høyring og offentleg ettersyn.
Eit planprogram er ei oppskrift for planarbeidet. Det skal fastsetje føremål og overordna rammer for arbeidet, behov for kunnskap og konsekvensutgreiing, organisering, framdrift og medverknad og kva alternativ som skal greiast ut.
Arbeid med planprogrammer er i gang
Vi starta arbeidet med planprogrammet i januar 2025. Forslag til planprogram er klart over sommaren. Fylkesutvalet i Vestland tek stilling tek stilling til om planprogrammet er klart til å sendast på høyring og leggast ut til offentleg ettersyn i møtet 21. august 2025. Planprogrammet vert i så fall sendt på høyring og offentleg ettersyn fram til 10. oktober 2025.
Etterpå vert alle innspela oppsummert og lagt til grunn for eventuelle endringar før planprogrammet vert vedtatt.
Deretter arbeider vi vidare med å lage eit utkast til sjølve planen. Det er lagt opp til at planforslaget skal på ny høyring og offentleg ettersyn i august 2026, og at fylkestinget skal vedta planen i desember 2026.
To nye regionale planar
Vestland fylkeskommune arbeider no parallelt med to nye regionale planar: regional plan for verdiskaping og kompetanse og regional plan for areal og mobilitet. Les om arbeidet med regional plan for verdiskaping og kompetanse.
Oppdatert: mai 2025