Slik eig fylkeskomunen

Vestland fylkeskommune har innretta eigarstyringa si i tråd med kommunelova og KS sine tilrådingar for eigarstyring. Det er viktig at eigarstyringa er innretta slik at den bidreg til at fylkeskommunen når eigarskapsmåla sine.

Fylkeskommunen vedtek ein gong i valperioden ei eigarskapsmelding som inneheld:

• fylkeskommunen sin overordna eigarskapspolitikk
• fylkeskommunen sine forventningar til selskapa og prinsipp fylkeskommunen vil styre ut frå
• korleis fylkeskommunen si eigarstyring skal og kan skje
• ei verksemdsoversikt med eigen omtale av kvar verksemd

Frå og med 2024 vil fylkestinget få framlagt ein årleg rapport om selskapa dei åra det ikkje vert lagt fram ei samla eigarskapsmelding.

Eigarskapsmeldingar

• Eigarskapsmelding 2024 - Del 1 (pdf)
• Eigarskapsmeldinga 2021 (pdf)
• Eigarskapsmeldinga 2020 (pdf)
• Eigarskapsmeldinga 2019 (pdf)

Eigarstrategiar

For desse selskapa har fylkeskommunen i tillegg utarbeidd eigne eigarstrategiar:

• Ferde AS (pdf)
• Skyttel AS (pdf)
• Bybanen AS (pdf)
• TH Eigedom IKS (pdf)
• Grieghallen IKS (pdf)

Felles eigarstrategi for arbeidsmarknadsbedriftene

Fylkestinget har vedteke ein eigen eigarstrategi for arbeidsmarknadsbedriftene, for å utdjupe kva som er føremålet med å eige arbeidsmarknadsbedriftene. Strategien vil også bli brukt til å stille spesifikke forventningar og krav overfor arbeidsmarknadsbedriftene, mellom anna til korleis bedriftene skal jobbe, og til korleis selskapa legg til rette for å involvere eigar/-ane i styringa av selskapet.

Felles eigarstrategi for arbeidsmarknadsbedriftene (pdf)

Eigarskapsforvalting i administrasjonen

Juridisk seksjon i avdeling for organisasjon og økonomi har ansvar for det sentrale eigarskapsarbeidet. Seksjonen fungerer som eigarskapssekretariat overfor folkevalde og har elles ein koordinerande funksjon overfor andre avdelingar i fylkeskommunen. 

Juridisk seksjon utarbeider eigarskapsmelding og enkeltsaker om, eller i tilknyting til eigarskap. Dette gjer seksjonen anten på eiga hand eller ved å bidra til saker frå andre avdelingar. Vi vurderer kva avdeling som førebur enkeltsaker utifrå om det er behov for å sjå på saka frå eit fagleg og sektorpolitisk perspektiv, eller i eit eigarskapsperspektiv. 

Juridisk seksjon har vidare ansvar for det systematiske arbeidet med eigarskap. Det inneber blant anna

• administrativ oppfølging i samband med eigarskapskontrollar og forvaltningsrevisjonar
• opplæring av folkevalde
• å sørgje for at kontrollutvalet får den informasjonen dei treng for å utføre arbeidet sitt