Unik KI-chatbot spesialutvikla for planarbeid

Vestland fylkeskommune har lansert Planfrid, så lagt vi veit Noregs einaste KI-chatbot skreddarsydd for ein regional planstrategi. – Vi er stolte over å gå i front på å ta i bruk KI-verktøy i forvaltninga, seier Bård Sandal, direktør for næring, plan og innovasjon.

KI-generert illustrasjon av robot og mennesker i interaksjon.
EIN NY KOLLEGA: Slik meiner Copilot at Planfrid kan sjå ut, då vi la inn instruksen "Lag ein illustrasjon av ein kvinneleg KI-chatbot som kan hjelpe nokon med å lage planar. Lag det i popart stil". Illustrasjon: KI-generert av Copilot.
Av Jennifer Fossnes Publisert Endra

KI-chatboten Planfrid hjelper tilsette i fylkeskommunen, men også eksterne som dei som jobbar med plan i kommunar og næringslivet, med å navigere i Utviklingsplanen skal ligge til grunn for samfunnsplanlegginga i fylket i alle sektorar. Den gir oss felles retning og mål vi skal strekke oss mot i lag, og hjelp oss å prioritere. Å ha ein regional planstrategi er ei lovpålagd oppgåve. I Vestland kallar vi den for Utviklingsplan for Vestland 2024-2028, regional planstrategi.. Planfrid gir rask og god informasjon om korleis utviklingsplanen kan brukast i det daglege arbeidet.

Enklare og meir effektivt planarbeid

Det kan vere utfordrande å få oversikt over den omfattande utviklingsplanen. Planfrid er laga for å gjere dette enklare. Ho kan svare på spørsmål, gi rettleiing i korleis planen kan brukast i praksis og til og med lage utkast til tekstar basert på innhaldet i utviklingsplanen og kunnskapsgrunnlaget som ligg til grunn for planen.

– Andre fylke ser til oss

– Utviklingsplanen er det strategiske styringsdokumentet for utvikling av heile Vestland. Då vert det viktig å legge til rette for at alle som ønsker, kommunar, næringsliv og bedrifter, lett kan finne fram i planen, fortel Bård Sandal, direktør for næring, plan og innovasjon. 

Gjennom denne KI-chatboten kan alle no lett finne mål og retning når dei sjølv skal lage sine strategiar eller planar, eller lett finne argument for eks. tildeling av midlar.

– Utviklingsplanen skal og gje oss felles retning i dialog med nasjonale myndigheiter, så derfor viktig at alle lett kan finne fram i dokumentet, seier Sandal vidare.

Arbeidet med kunstig intelligens i Vestland fylkeskommune har blitt lagt merke til utenfor fylkets grenser. 

– Vi er både stolte og kry for at Vestland fylkeskommune her går heilt i front på å ta i bruk KI-verktøy i forvaltninga, og at vi no ser andre fylke som vil ta i bruk teknologien vår, legg direktøren til.

Korleis bruke Planfrid?

Planfrid er ein Ein språkmodell er ein statistisk modell av eit språk som brukast innan språkteknologi. Modellen gir ein sannsynlegheitsfordeling over sekvensar av ord og kan derfor brukast til å analysere og generere tekst basert på naturlege språk, slik som norsk. Kjelde: snl.nobasert på Microsoft Azure AI-teknologi og er utvikla for å gi meir presise svar enn kreative, lange utgreiingar. Dette gjer ho til eit meir påliteleg verktøy enn opne KI-løysingar som ChatGPT, spesielt for dei som treng meir konkrete og fagleg forankra svar. Likevel bør informasjonen alltid dobbeltsjekkast ved tvil.

Planfrid fungerer best når du stiller konkrete spørsmål. Her er nokre eksempel:

  • Kva er hovudmåla i utviklingsplanen?
  • Korleis kan eg som planleggjar i ein liten kommune bruke utviklingsplanen i mitt daglege arbeid?
  • Eg skal skrive ei politisk sak om kollektivtilbodet i distrikta i Vestland. Korleis kan eg forankre denne i utviklingsplanen?
  • Kva seier utviklingsplanen om kompetanseutvikling?

Du finn ho på planfrid.vlfk.no og på nettsidene til utviklingsplanen vlfk.no/utviklingsplan.