Desse skal representere Vestland i skule-NM 2025
Det har vore fylkesmeisterskap i elleve yrkesfag denne våren. No er alle vinnarane klare, og her får du oversikta over kven som skal konkurrere i kva fag under skule-NM i april.
Det er WorldSkills Norway som arrangerer skule-NM. Konkurransane går føre seg på ni skular i seks ulike fylke.
Hensikta med konkurransane er auka kvalitetsarbeid, bidra til motivasjon, auke rekruttering og betre kunnskapen om yrkesfaga.
Over 60 prosent av ungdomane som søkte skuleplass på vg1 har i år valt yrkesfag som sitt primærønske. Det er rekordmange og Vestland er det fylket med flest søkjarar til yrkesfag.
– Vi er utruleg takksemd for alle dei sju arrangørskulane og ikkje minst for alle engasjerte elevar og lærarar som stilte opp i konkurransane i år. Fylkesmeisterskapane i yrkesfag er ei unik moglegheit for elevanes individuelle utvikling, og gjer dei høve til å vise seg fram som dyktige framtidige fagarbeidarar, seier Sissel Brusegård, leiar for kvalitetsutvikling i avdeling opplæring og kompetanse.
Vinnarane frå fylkesmeisterskapane
-
Anleggsteknikk: Eirik Igland Bleie, Os vgs.
-
Elektrikarfaget, lagkonkurranse: Ariell Olive Fredriksen og Sigve Dale, Høyanger vgs.
-
Logistikk, lagkonkurranse: Kenneth Andreassen Nordheim og Even Nickolai Askeland, Knarvik vgs.
-
Bakar: Harald Nordberg Bruland, Sandsli vgs.
-
Kokk: Arne Ulltang-Berge, Sandsli vgs.
-
Konditor: Kaisa Salvesen Berge, Sandsli vgs.
-
Helsefagarbeidar, lagkonkurranse: Adele Marie Briknes og Ida-Adele Henden, Måløy vgs.
-
Blomsterdekoratør: Andrea Austrheim Iversen, Årstad vgs.
-
Frisør: Hanna Marie Sævold, Årstad vgs.
-
Hudpleie: Zora Lotte Yri, Årstad vgs.
-
Salsfaget, lagkonkurranse: Ramlo Mohamed Ahmed og Andrea Øhlen Horvei, Åsane vgs.