8,4 millionar til ladetilbod for personbilar og tungtransport
Bremanger, Masfjorden, Stad og Austrheim er blant kommunane som no kan sjå fram til nye hurtigladarar til elbilar.
Blant desse er nye ladepunkt for personbilar i Kalvåg og for tunge køyretøy på Mongstad.
– Å gjere det lettare å køyre elektrisk i heile fylket er eit viktig skritt på vegen mot målet om nullutslepp innan 2030. I tildelinga prøver vi som tidlegare å møte behova som blant anna drosjenæringa har spelt inn.
Det seier Siri Sandvik, nestleiar i hovudutvalet for næring. Utvalet løyver no midlar til fire søkjarar på totalt fem lokasjonar for elektriske køyretøy, og to søkjarar tre lokasjonar for tunge køyretøy.
Her kjem det nytt ladetilbod for personbilar
I utgreiinga for 2025 la administrasjonen vekt på å prioritere å betre dekning av hurtigladarar for personbilar i distrikta, spesielt i nordlege delen av Vestland. Fylkeskommunen løyver til saman 3,6 millionar til å bygge tolv hurtigladarar for elektriske køyretøy (personbilar) på fem nye lokasjonar.
Dette er søkjarane får tilskot til nye hurtigladarar for personbilar:
- Vestkapp Eigedom AS: kr 750 000 til 4 ladepunkt i Leikanger, Stad
- Bremanger kommune: kr 720 000 til 2 ladepunkt i Iglandsvik, Bremanger
- Bremanger kommune: kr 900 000 til 2 ladepunkt i Kalvåg, Bremanger
- Masfjorden kommune: kr 475 000 til 2 ladepunkt i Sandnes, Masfjorden
- Krambua bensin og storkiosk AS i samarbeid med Etne kommune – kr 750 000 til 2 ladepunkt i Skånevik, Etne
Tre lokasjonar får ladetilbod for tunge køyretøy
Fylkeskommnunen løyver også til saman 4,7 millionar i til utbygging av seks hurtigladarar til tunge køyretøy på tre nye ladelokasjonar.
Desse søkjarane får tilskot til nye hurtigladarar for tunge køyretøy:
- Eviny: kr 1 350 000 til 2 hurtigladarar på Mongstad, Austrheim
- Eviny: kr 1 550 000 til 2 hurtigladarar i Øystese, Kvam
- LUDO Energi: kr 1 800 000 til 2 hurtigladarar på Moskog, Sunnfjord
I 2025 er det lagt vekt på at infrastruktur for tunge køyretøy i første omgang skal vere i områda rundt innfartsårene til byane og knytt til sentrale strekningar for å sikre berekraftig verdiskaping. Desse skal ikkje konkurrere med Enova sine prioriterte strekningar.