Desse får årets idrettsstipend
Ti unge idrettsutøvarar får utviklingsstipend frå Vestland fylkeskommune.
– Det er kjekt å sjå at det er så mange unge talent i mange ulike idrettar rundt om i fylket! Dette er resultat av ein solid eigeninnsats, men også av langsiktig og grundig arbeid av frivillige, trenarar og støtteapparat. Med utviklingsstipendet ønskjer fylkeskommunen å motivere og støtte til vidare satsing, slik at dei kan vidareutvikle seg i idretten sin, seier fylkesordførar Jon Askeland.
Idrettsstipenda er på 40 000 kr og vart delte ut på ei tilstelling på Vestlandshuset i Bergen 17. desember.
107 søknadar
Utviklingsstipenda går til utøvarar som markerer seg med gode nasjonale og internasjonale prestasjonar innan idretten sin, og desse får årets utviklingsstipend:
- Sebastian Menze, klatring i Bergen klatreklubb (parastipend)
- Marte Skodvin Mjaatvedt, karate i Bjørgvin Karateklubb
- Tomine Svendheim, fotball i Sportsklubben Brann
- Madeleine Sylvester-Davik, alpint i Tertnes Alpin
- Embla Matilde Njerve, friidrett stav i Bergens turnforening
- Adrian Mol, sandvolleyball i Strandvik sandvolleyballklubb
- Isak Børslien, stuping i Bergen Stupeklubb
- Felix Kraavik Svanberg, padling i Fana kajakklubb
- Marte Hovland, friidrett løp i Vik idrettslag
- Mikal Grimstad Uglehus, landevegssykling i Bergen Cykleklubb
Det kom inn 107 søknadar om utviklingsstipend i år, frå 61 gutar og 46 jenter. 21 kommunar og 34 idrettar var representerte blant søkjarane.
Heider til OL- og VM-medaljørar
Idrettsutøvarar frå Vestland som har fått medaljar i VM eller OL i året som har gått, fekk også heider på møtet. Dei får òg kvart sitt kunstverk frå Vestland fylkeskommune. Dette er utøvarane:
- Tommy Urhaug, bordtennis, Stord BTK (paraidrett)
- Vegard Sverd, friidrett, IL Norna-Salhus (paraidrett)
- Salum Kashafali, friidrett, IL Norna-Salhus (paraidrett)
- Tarjei Bø, skiskyting, skiskyting, Markane IL
- Johannes Thingnes Bø, , skiskyting, Markane IL
- Sverre Lunde Pedersen, skøyter, Fana IL
- Håvard Holmefjord Lorentzen, skøyter, Fana IL
- Anders Mol, sandvolleyball, Beachvolley Vikings/Strandvik IL