Eit lite stykke Noreg i Wales

Det er klart norske elevar i utlandet også skal feire nasjonaldagen vår.

Folk samla utanfor den norske sjømannskyrkjas kunst og kultursenter. Det norske flagget er heisa.
17. MAI: Nasjonaldagen blei feira med korps og flagging utanfor den norske sjømannskyrkas kunst og kultursenter. (Foto: Øivind Høines/Vestland fylkeskommune)
Av Martin Magnussen Publisert Endra

Elevar som tar eit skuleår i Cardiff i Wales fekk vere med då Welsh Norwegian Society arrangerte 17. mai-feiring i den norske sjømannskyrkjas kunst og kultursenter. I ekte norsk ånd feira dei med 17. mai-tog, norske flagg, bunadar, vaflar, kransekake og talar.

17. mai-tog
Ingen 17. mai-feiring utan tog. (Foto: Øivind Høines/Vestland fylkeskommune)

Leiar for hovudutval for opplæring og kompetanse, Åsmund Berthelsen, tok med seg bunaden og reiste til den walisiske hovudstaden for å feire dagen saman med elevane og andre nordmenn i Wales. 

Hovudutvalsleiar Åsmund Berthelsen talar foran publikum i kyrkja.
Hovutvalsleiar Åsmund Berthelsen holdt 17. mai-tale. (Foto: Øivind Høines/Vestland fylkeskommune)

I år er det ekstra kjekt å feire dagen i Cardiff. Elevar frå Åsane vidaregåande skule har laga utstillinga «Destination Vestland» som presenterer Vestland som det fantastiske reisemålet det er. Utstillinga viser fram alt Vestland har å by på av vakker natur, spennande aktivitetar og kulturarven vår.

Elevar og utvalsleiar i Cardiff.
Elevane har laga utstilling "Destination Vestland". Frå venstre: Ulrikke Frekhaug Brandsdal, Marit Sofie Njøten (avdelingsleiar, Åsane vgs.), Åsmund Berthelsen (leiar for hovudutval for opplæring og kompetanse), Magdalina Dragomira Ganeva, Erlend Jarl Krossøy (lærar, Åsane vgs.), Amino Abdulkadir Omar og David Johansen Sjurdal. (Foto: Øivind Høines/Vestland fylkeskomune)

Alle elevar på vg1 studiespesialisering kan søkje om utveksling til vår samarbeidsskule i Cardiff på vg2. Elevane bur hos ein vertsfamilie eller på internat gjennom eit heilt skuleår. Vestland fylkeskommune tilbyr utveksling i Frankrike, Tyskland, USA og Wales. Les meir om tilbodet her.