Tilskot til berekraftig verdiskaping 2024

Vestland fylkeskommune sine tilskot under ordninga kan utgjere statsstøtte etter EØS-avtalen. Både private og offentlege aktørar kan vere omfatta av regelverket, avhengig av kva aktivitet det vert søkt støtte til.

Der tilskotet vil utgjere statstøtte, vil fylkeskommunen i hovudsak heimle tildelinga i unntaket for bagatellmessig støtte. Sjå obligatorisk vedlegg til søknaden med informasjon om unntaksregelen og støttegrensa for bagatellmessig støtte.

For søkjarar som ikkje har høve til å ta i mot ytterlegare bagatellmessig støtte i prosjektperioden, vil fylkeskommunen vurdere om tilskotet kan tildelast etter eit av unntaka i GBER (den alminnelege gruppeunntaksforordninga).

GBER definerer nærmare bestemte aktivitetar fylkeskommunen kan støtte, kva type kostnadar knytt til desse aktivitetane fylkeskommunen kan dekke og kor stor del av dei støttegode kostnadane det offentlege kan dekke.

Relevante unntaksheimlar for denne utlysinga er i hovudsak GBER artikkel 25 og artikkel 27 . For at fylkeskommunen skal kunne nytte GBER må søknaden vise at planlagt aktivitet er i tråd med godkjente aktivitetar i ein GBER-heimel. All omsøkt prosjektaktivitet må gå fram av det obligatorisk budsjettvedlegget, og vise kostnader og finansiering for både søkjar og samarbeidspartnarar. Krav til støtteintensitet (kor stor del av kostnadene som kan bli dekka av offentleg støtte) vil gjelde for prosjekt som mottek støtte frå fylkeskommunen etter GBER.

• aktivitetar som allereie er starta eller gjennomførte
• lovpålagde oppgåver
• bedriftsutvikling
  Det vil seie at det ikkje blir gitt støtte som berre kjem til nytte for ei enkeltbedrift eller eit mindre og avgrensa tal bedrifter. I det ligg det at det ikkje blir gjeve støtte verken til å etablere, drive, gjere investeringar i, eller utvikle ei bedrift. Det blir heller ikkje gitt støtte til einskildpersonar
• ordinære driftskostnader
• fysiske investeringar
• kausjon eller anna økonomisk garanti
• renter og avdrag på lån og refinansiering av gjennomførte prosjekt
• messer, arrangement eller konferansar får normalt ikkje støtte
• prosjekt kan normalt ikkje få støtte frå fleire finansieringskjelder som fylkeskommunen disponerer, eller har overført til andre.

Søknadane vil bli vurdert etter krav og vurderingskriterium i denne utlysinga. 

Søknader som ikkje oppfyller krava vil kunne bli avvist på formelt grunnlag. Hovudutval for næring vil gjere vedtak om tilsegn eller avslag på søknader som har gått vidare til vurdering. 

Søknadsbehandlinga vil følge krav til god forvaltningsskikk, offentlegheit, habilitet og etisk åtferd.

Det vil ikkje vere dialog mellom fylkeskommunen og søkjar i perioden etter innlevering av søknad og til vedtak er fatta, med unntak for retting av openberre feil eller mindre avklaringar. Det er derfor viktig at søkjar gjev tilstrekkeleg informasjon i søknaden til at denne kan behandlast utan vidare kontakt. Dersom det er spørsmål eller uklarheiter, vert det høve til å ta opp dette i informasjonsmøta eller ved å sende inn spørsmål før søknadsfristen går ut.

Vedtak om tildeling

Hovudutval for næring vil gjere vedtak om tilsegn eller avslag i møte 15. oktober 2024, om ikkje anna vert opplyst seinare.

Dokumentinnsyn

Alle kan be om innsyn i dokumenter hjå Vestland fylkeskommune. Hovudregelen i offentleglova er at saksdokument, journalar og liknande register er opne for innsyn dersom ikkje anna følgjer av lov eller forskrift med heimel i lov.

Dette er også utgangspunktet for søknadane som vert sendt inn. Opplysningar som er underlagde teieplikt i lov eller i medhald av lov, er derimot unnatekne frå innsyn. Til dømes gjeld dette næringsopplysningar, som av konkurransemessige omsyn skal holdast hemmeleg (såkalla forretningshemmelegheiter).

Dersom det vert kravd innsyn i dokument som inneheld opplysingar som det skal eller kan nektast innsyn i, så tek vi normalt kontakt med søkjar for nærmare avklaring. Det vert likevel understreka at det er fylkeskommunen som tek endeleg avgjerd i spørsmålet om innsyn. 

For at søknaden skal bli vurdert, må den oppfylle følgjande formalkrav:

• Søknaden må vere sendt inn via Regionalforvaltning.no innan søknadsfristen.
• Heile søknadsskjemaet må vere fylt ut. Det er gitt utfyllande informasjon om utfylling og innhald i hjelpeteksten, som det er viktig at søkjar gjer seg kjend med.
• Obligatoriske vedlegg er lagt ved (budsjett og skjema for bagatellstøtte). 
  Andre vedlegg er ikkje tillate. Unntak frå dette er vedlegg som er nødvendig for å understøtte informasjon i søknadsskjemaet, avgrensa til tids- og milepælsplan, avtalar om samarbeid og liknande. 
• Søkjar må vere i definert målgruppe.
• Søknaden må vere innan mål og prioriteringar for ordninga og kva det kan bli gitt støtte til.
• Prosjektet må ha ein fullstendig finansieringsplan ved søknadstidspunktet, der minst halvparten av finansieringa kjem frå andre kjelder enn fylkeskommunen.
• Prosjektbudsjettet er i hovudsak aktivitetsbasert. Det vil si at det er mogleg å sjå kva kvar av aktivitetane i prosjektet vil koste.

Vi kan avvise søknader som ikke oppfyller desse krava. 

Søknadene vil bli vurdert på fire kriterium. (Oppdatert 6. mai)
behov og relevans, gjennomføring, resultat og effektar samt balansert prosjektportefølje.

1. Behov og relevans 

Punkt å vurdere:

• I kor stor grad er prosjektet i tråd med målet og prioriteringane i utlysinga?
  (Merk: Målet for utlysinga er å bidra til å nå målet for Berekraftig verdiskaping – regional plan for innovasjon og næringsutvikling)
• Er prosjektet viktig for å nå mål i relevante kommunale eller andre planar?
• Er prosjektet forankra i prosjekteigar og samarbeidspartnarane sine eigne planar og strategiar?
• Er behov for eit tidsavgrensa prosjekt for å løyse utfordringane skissert i søknaden godt grunngjeve?
• I kor stor grad kan prosjektet tilføre noko nytt og nyttig i relevant sektor, bransje, eit geografisk område eller i heile Vestland? Har det overføringsverdi til andre?
• I kor stor grad vil fylkeskommunal støtte ha utløysande effekt? Det vil seie at utviklingsprosjektet ikkje vil bli gjennomført utan tilskotet frå fylkeskommunen, eller at det ikkje vert gjennomført i ønska omfang eller til ønska tid.

 2. Gjennomføring

 Punkt å vurdere:

• Forankring og prosjektorganisering:
  Er det rett prosjekteigar og er dei rette samarbeidspartnarane med? 
  Er prosjektet godt forankra i prosjekteigar og samarbeidspartnarane si leiing?
  Er prosjektet hensiktsmessig organisert?
  Har samarbeidspartnarane ei aktiv rolle i prosjektet og/eller bidreg med finansiering?
• Kapasitet og kompetanse: Har prosjekteigar og samarbeidspartnarane til saman den  kompetanse, kapasitet og erfaring som skal til for å gjennomføre aktivitetane i prosjektet?
• Realistisk prosjektplan: Viser søknaden god samanheng mellom mål, aktivitetar og venta resultat og effektar?
  Er kostnadsplan og tidsplan realistisk og tilpassa aktivitetane som skal gjennomførast?
• Finansiering: Har prosjektet ein fullverdig finansieringsplan ved søknadstidspunktet, der alle kostnader i prosjektet er dekka gjennom finansieringsplanen?
• Aktivitetsbasert kostnadsplan: Er det kostnader knytt til kvar aktivitet, slik at det er mogleg å sjå av budsjettet kva kvar aktivitet vil koste. (sjå obligatorisk budsjettvedlegg)

 3. Resultat og effektar   

Punkt å vurdere:

• Verdiskapingspotensiale:
  Dette handlar om potensialet for at prosjektet faktisk tilfører noko nytt og nyttig i relevant sektor, bransje, eit geografisk område eller i heile Vestland. Verdiskaping kan til dømes vere auka produktivitet og inntening, arbeidsplassar eller auka effektivitet og kvalitet – også på tenester.
  
  Vil eit vellukka prosjekt på kort eller lengre sikt bidra til verdiskaping i Vestland?
  Vil det bidra til å nå måla for utlysinga og eitt eller fleire av prioriteringane i utlysinga?
• Påverknad på klima og miljø: Er potensiell påverknad av prosjektet på klima og miljø gjort greie for i søknaden?
  Har prosjektet positiv, nøytral eller negativ påverknad på klima og miljø?
• Deling og formidling: Er det ein plan for korleis resultat og erfaringar frå prosjektet blir delt med relevante aktørar/målgruppe i løpet av eller etter prosjektperioden?

 4. Balansert prosjektportefølje   

I prioritering mellom prosjekt med god vurdering på kriterium 1 – 3 kan det bli lagt vekt på  fordeling av midlar på mindre prosjekt, større prosjekt og prosjekt innan ulike tematiske og geografiske område i fylket. Det kan i særlege tilfelle vere aktuelt å berre støtte delar av prosjektet.

Vilkår for gjennomføring av prosjektet vil gå fram av tildelingsbrev. Tilskotet må bli brukt i samsvar med godkjente aktivitetar i det tidsrom som går fram av tilsegnsbrevet.

Tilsegn om tilskot vil gjelde i inntil tre veker frå svar om vedtak er sendt til søkjaren. Tilsegna vil kunne felle bort, og midlane inndregne dersom:

• søkjar ikkje innan tre veker etter å ha mottatt tilsegn om tilskot signerer tilsegnsbrevet (e-signering)
• tiltaket ikkje er igangsett innan eitt år etter tildeling
• søkjaren ikkje har bede om utbetaling av tilskotet i samsvar med dokumentert framdrift og kostnadsplan

Tilsegnsbrevet har krav til rapportering på framdrift, resultat og rekneskap. Det skal sendast inn rekneskap innan tre månader etter at prosjektet er gjennomført. Eventuelle vesentlege endringar i prosjektet må meldast skriftleg til fylkeskommunen for vurdering og godkjenning.

Fylkeskommunen og fylket sin revisor skal ha høve til å setje i verk kontroll på at midlar vert forvalta som føresett. Fylkeskommunen og fylket sin revisor skal ha rett til dei dokument og opplysningar ein finn påkravd for kontroll.

Hovudutval for næring vedtok 29. august støtte til 22. prosjekt. I møte 21. september gjorde utvalet vedtak om tilleggsbevilging, slik at det vart rom for fire nye prosjekt. Her er dei 26 prosjekta:

 
Det vil bli sendt ut tilsegnsbrev fortløpande, eventuelt invitasjon til møte der det er behov for dialog før tilsegnsbrev vert utforma.