Lydsnuttar til haldeplassannonsering
Komponist Craig Farr har nytta både kjenningsmelodiar, naturlydar og lydobjekt knytt til dei ulike stoppestadane.
- Kunstnar
- Craig Farr
- Materiale
- Lyd
- Årstal
- 2022
Der det er kjende melodiar, er dei likevel nytta på ein abstrakt og noko kamuflert måte. Tanken er at reisande kan oppdage melodien om dei leitar, men får det ikkje servert rett fram.
Melodien kan òg berre vere i det undermedvitet, som ein del av det heilskaplege lydbiletet i vignetten. Instrument og linjeløp er ofte assosiasjonsskapande, som på Bystasjonen, der eit sitat frå «Nystemten» blir spelt på bjøller som kan minne om tidlegare tiders buss og trikk. I bakgrunnen kan ein høyre ekko frå eit klaver i Grieghallen like ved.