Vestlandsmøtet 2025: Korleis trygge Vestland i ei uroleg tid?

Sjå opptak av Vestlandsmøtet 2025.

Vestlandsmøtet 2025 kan presentere eit rikhaldig program der årets hovudtalar er kultur- og likestillingsminister Lubna Jaffery. Blant andre inviterte finn vi Tommy Urhaug, olympisk meister i bordtennis og Bjarte Hysing-Olsen, fylkesdirektør NAV Vestland, for å nemne nokre.

– Den viktigaste draumen og planen min for 2025 er at heile Vestland jobbar for å få folk utanfor arbeidslivet inn i fellesskapen. Vi skal møte behova i arbeidslivet for å få fleire hender og hjernar i arbeid, seier fylkesordførar Jon Askeland. Saman med fylkesvaraordførar Stian Jean Opedal Davies stiller fylkesordføraren med stortingsrepresentantar og sentrale aktørar i Vestland for å diskutere høgaktuelle tema for fylket.

Det kan bli friske samtalar, blant anna i første vestlandsdialog mellom kultur- og likestillingsminister Lubna Jaffery og Erna Solberg, Høgre sin statsministerkandidat ved stortingsvalet 2025.

– Arbeidslivet i Vestland manglar folk, samstundes som 1 av 5 står utanfor. Det å ikkje fullføre vidaregåande utdanning er den viktigaste årsaka til at folk i yrkesaktiv alder står utanfor arbeidslivet, og denne arbeidskrafta er viktig for utviklinga av Vestland. Korleis kan vi snu dette? Det skal vi i fellesskap søke svar på, seier Askeland.

Vestlandsmøtet 2025 presenterer i år fire vestlandsdialogar med særs aktuelle og spennande tema:

• Kulturen og frivilligheita sin betydning for framtidas arbeidsliv og inkludering av barn og unge
  Lubna Jaffery, kultur- og likestillingsminister og 1. kandidat Hordaland Arbeiderparti og Erna Solberg, partileiar og 1. kandidat Hordaland Høyre
  i dialog med Jan Erik Kjerpeseth, konsernsjef i Sparebanken Vest
  
  
• Distriktspolitikk – Er det håp for distrikta eller hamnar alt i Bergen uansett?
  Alfred Bjørlo, stortingsrepresentant og 1. kandidat Venstre i Sogn og Fjordane og Aleksander Øren Heen, stortingsrepresentant og 2. kandidat Senterpartiet i Sogn og Fjordane i dialog med Erlend Blaalid Oldeide, journalist i Gudbrandsdølen Dagningen og tidl. NRK Vestland
  
  
• Korleis balansere verdiskaping, miljø og velferd i ei usikker tid? – «på vestlandsk»
  Helge André Njåstad, stortingsrepresentant og 1. kandidat Hordaland Framstegsparti og Marthe Hammer, gruppeleiar fylkestinget og 1. kandidat Hordaland Sosialistisk Venstreparti i dialog med Erlend Blaalid Oldeide, journalist i Gudbrandsdølen Dagningen og tidl. NRK Vestland
  
  
• Bestilling frå regionane - kva treng vi?
  Ved Christine Meyer, byrådsleiar i Bergen og leiar av Bergensalliansen, Andre Mundal Haukås, ordførar i Sveio og leiar av Sunnhordlandsrådet og Roy Egil Stadheim, ordførar i Vik og leiar av Sognarådet

I tillegg har vi invitert følgjande personar til å gje oss nærare innsyn i det området dei representerer:

• Bjarte Hysing-Olsen, fylkesdirektør NAV Vestland
• Kontreadmiral Oliver Berdal, sjef Sjøforsvaret
• Helene Frihammer, regiondirektør NHO Vestland
• Jørn Øyrehagen Sunde, professor i rettshistorie ved Institutt for offentleg rett i Oslo
• Tommy Urhaug, olympisk meister i bordtennis
• Helene Seim, CEO Boliden Odda AS
• Evangeline Sessford, gründer av Upscale og vinnar av fylkeskommunens klimapris i 2023

Blant deltakarane finn vi stortingspolitikarar, fylkespolitikarar, ordførarar, kommunedirektørar, leiarar innan nærings-, kultur- og organisasjonsliv, i tillegg til tilsette frå offentleg sektor i Vestland.

Programmet for møtet finn du på denne sida.

Ved behov for foto frå arrangementet, kontakt kommunikasjon@vlfk.no