Planlegging for naturmangfald i sjø
Under paraplyen One Ocean Week arrangerer Vestland fylkeskommune, i samarbeid med Statsforvaltaren i Vestland, eit seminar om planlegging for naturmangfald i sjø
Å redusere tap av naturmangfald er både eit globalt, nasjonalt og regionalt mål. Etter plan- og bygningslova skal kommunane planlegge areala i heile kommunen, også sjøareal ut til ei nautisk mil utanfor grunnlinja. Seminaret vil ha fokus på korleis kommunane kan ivareta naturmangfald i sjø gjennom planlegging.
Programmet vårt inneheld faginnlegg frå fleire forvaltingsaktørar som har ansvar for naturmangfaldet i sjø, saman med døme frå kommunar. Vi vonar å få fram breidda i forvaltingsansvaret og -kompetansen, og gje inspirasjon på dette viktige temaet.
Målgruppe
Målgruppa er offentlege planleggarar, konsulentar og aktørar kopla til sjømat og fiskeri.
Praktisk informasjon
Som tidlegare år, held vi seminaret i auditoriet på Litteraturhuset i Bergen. Arrangementet er gratis, og vi byr på lunsj for dei påmelde. Påmelding er difor bindande. Arrangementet blir strøyma, og det blir gjort opptak som ein kan sjå i ein avgrensa periode. Det er også mogleg å droppe innom, utan lunsj og påmelding.
Program
10.00: Velkomen! Ved May Britt Hernes, seksjonsleiar Plan, klima og analyse, Vestlan fylkeskommune
10.10: Den marine vestlandsnaturen med fokus på sjøfugl, ved Stein Byrkjeland, Statsforvaltaren i Vestland
10.35: Planlegging for naturmangfald i sjø, ved Kristin Nordli, Kommunal- og distriktsdepartementet
11.05: Pause
11.15: Marint miljø i KDP for naturmangfald, ved Stina Nordbak, Austevoll kommune
11.40: Kartlegging for marine grunnkart, ved Sigrid Elvenes, Norges geologiske undersøkelse
12:00: Lunsj
13.00: Biologisk kartlegging i Sunnhordland, ved Genoveva Gonzalez-Mirelis, Havforskingsinstituttet
13.20: Marint vern i Stad og Sognefjorden, ved Maria Knagenhjelm, Statsforvaltaren i Vestland
13.45: Pause
14.00: Planlegging for marint naturmangfald i Stad, ved Hanne Marie Utvær, Stad kommune
14.25: Overvaking av miljøtilhøva i kystvatn, ved Julie Marie Andersen, Statsforvaltaren i Vestland
14.45: Innspel og tankar, takk for i dag, ved Plan, klima og analyse i Vestland fylkeskommune