Frå fagarbeidar til yrkesfaglærar? Ja, det kan du!

Som yrkesfaglærar får du bruke faget ditt på ein ny måte. Du får lære opp ungdom, dele erfaringar frå arbeidslivet og bidra til at fleire får ein god start i yrkeslivet.

Aldri før har så mange unge søkt seg inn på yrkesfag i dei vidaregåande skulane i Vestland. No treng vi fleire fagfolk som vil lære frå seg.

Usikker på om du kan bli yrkesfaglærar? Ta kontakt med oss!

Kva er ein yrkesfaglærar?

Ein yrkesfaglærar underviser elevar i vidaregåande skule innan sitt fagområde. Det kan til dømes vere bygg- og anleggsteknikk, elektro og datateknologi, helse- og oppvekstfag, teknologi- og industrifag eller restaurant- og matfag.

Du treng ikkje vere lærar frå før. Har du fagbrev og relevant arbeidserfaring, er du godt på veg. Den pedagogiske utdanninga kan du ta medan du jobbar.

Difor bør du vurdere å bli yrkesfaglærar

Som yrkesfaglærar får du:

• bruke faget ditt kvar dag
• dele erfaringa di med ungdom
• bidra til å utdanne framtidige fagarbeidarar 
• vere med på å styrke rekrutteringa til faget ditt
• utvikle deg både fagleg og personleg
• ta pedagogisk utdanning medan du jobbar

Kan dette vere aktuelt for deg?

Du kan vere aktuell som yrkesfaglærar dersom du:

• har fagbrev eller tilsvarende kompetanse
• har relevant arbeidserfaring
• liker å jobbe med ungdom
• ønsker å dele kunnskapen din

Utdanninga kan du ta fleire stader i Noreg. Sjå utdanningar og studiestadar på utdanning.no

– Eg visste ikkje at eg kunne bli lærar

Finn hadde jobba med faget sitt i mange år før han fekk høyre at han kunne bli yrkesfaglærarar. No underviser han i vidaregåande skule, og trivst godt i den nye rolla.

– Å jobbe med ungdom gir meg mykje. Eg får gi elevane råd og rettleiing, følgje utviklinga deira og sjå at dei lukkast, seier Finn. 

Les intervjuet med Finn og sjå korleis dei tok steget.