Erasmus+ Aktiv ungdom
Er du ung og ønskjer internasjonal erfaring? Fylkeskommunen er regionalt kontaktpunkt for Erasmus + Aktiv Ungdom-programmet der ungdom, ungdomsråd og kommunalt tilsette som arbeider med ungdom kan søkje støtte til utveksling.
Kven kan søke Erasmus + Aktiv Ungdom?
- Du som er mellom 13 og 30 år og ønsker å få internasjonal kompetanse
- Du som arbeider med ungdom i kommunen og er interessert i å utveksle erfaringar med kollegar i andre land
- Du som har eit ungdomsråd som er interessert i å diskutere ungdomsmedverknad med andre ungdomar i Europa.
Ikkje-kommersielle organisasjonar, til dømes kommunar og ungdomsorganisasjonar, kan søkje på vegne av ungdom (13–30 år) og ungdomsarbeidarar.
Prioritert målgruppe
Ungdom med spesielle utfordringar er ei prioritert gruppe i Aktiv Ungdom. Det er fordi ikkje-formelle læringsprosessar er eit alternativ og supplement til skulesystemet.
Kva kan du få støtte til?
Du kan blant anna få støtte til
- ungdomsutveksling
- ungdomspolitiske møte
- kurs og hospitering for ungdomsarbeidarar
- strategiske partnarskap mellom organisasjonar
- transnasjonale ungdomsinitiativ
- frivillig arbeid (European Solidarity Corps - ESC)
Kvifor skal du søke?
Det er mange fordelar ved å delta i Erasmus+:
- Arbeidserfaring i eit internasjonalt miljø
- Bidra i eit lokalsamfunn
- Lære andre kulturar å kjenne
- Utvida språkerfaring
- Personleg utvikling
- Prosjekterfaring
- Bli kjend med nye arbeidsmetodar og verktøy
- Lære om ungdomsarbeid i andre land
- EU-vitnemålet YOUTHPASS på slutten av kvart prosjekt
Slik søkjer du
Er du ungdom, ta kontakt med oss for rettleiing. Kommunar og organisasjonar kan få hjelp i søknadsprosessar.
Søknadsfristar
Det er tre søknadsfristar i året, vanlegvis er i februar, april og oktober. Prosjekta som får støtte kan starte tidlegst tre månader etter søknadsfristen.
Kva kan vi hjelpe med?
Fylkeskommunen er regionalt kontaktpunkt for Erasmus+ Aktiv Ungdom. Dette kan vi hjelpe med:
- organisere informasjonssamlingar om Aktiv Ungdom
- halde innlegg om moglegheiter innanfor Aktiv Ungdom
- rettleie i søknadsprosessar
- hjelpe organisasjonar i gang med å bli ESC verts- eller sendarorganisasjon.
- vi har eit samarbeid med mellom anna våre rettleiingssentera om frivillig arbeid for ungdomar med spesielle utfordringar.