Vik kommune - Liabu
Liabu ligg på ca. 825 moh. Hytta har utedo og solcellepanel.
Tilkomst og parkering
Frå Vikøyri følg rv. 13 og ta av til Vik Skisenter. Følg vegen og parker ved Vik skisenter. For å kome til stien må ein gå til Vik fjellandsby.
Stien til hytta
Frå parkeringsplassen er det skilta sti på skogsveg. Gå over ei bru og følg skogsvegen til du møter ein grusveg. Følg denne oppover mot Vik fjellandsby og til enden av Djupagjelvegen. Her skal ein velje stien til venstre. Følg denne stien i 850 meter, då skal du krysse elva Djupegila. Vidare går ein på nyrydda sti som er merka.
Frå hytta er det 600 meter til Liasete i sør. Du kan også gå vidare til Liahovden.
Avstandar
Hytta ligg på 825 moh. Turen er 1,3 km frå Fjellandsbyen, og det tar omtrent 35 minutter opp frå enden av Djupagjelvegen. Frå parkeringa er det omtrent 25 minutter til stistart.