Brua under produksjon i Arendal
— Vi planlegg for transport av brua i starten av september, seier byggeleiar Håkon Tryti Nilssen.
Paradis bru er under produksjon i Arendal, og no begynner det å likne på ei ferdig bru.
Det er CSUB som produserer brua. Dei har spesialisert seg på komposittkonstruksjonar, for det meste til vanns, men også til lands. Brua er produsert i sin heilheit, og «tar opp heile fabrikken». Arbeidet er venta å vere ferdig i september.
Når brua er heisa på plass står det framleis att omtrent to månadar med arbeid på brua. Rekkverksfester skal monterast, dekkebelegging skal på plass og brua skal få nokre lag med maling. Fargen blir blå og grå. Kvar oppgåve må gjerast i ein bestemt rekkefølgje for å få alt til å klaffe.
— Prosjektet er meir spektakulært enn vi først såg før oss. Når vi ser kva vi held på med, forstår vi kor spesielt det er, seier Tryti Nilssen.
