Fv. 5254 Kleppevegen ved Myrane

Mellombels omlegging av avkøyring til Helsetunet og legevakt ved Myrane

I starten av veike 46 byrjar vi med grøfterarbeid utanfor helsetunet/legevakt. Dagens avkøyring til helsetunet/legevakt vert flytta (sjå skisse). Det vert opparbeidde gangveg for tilkomme til legevakt.
I samband med arbeidet vil det bli utsett trafikkvakt dei første dagane.

Mellombels omlegging av fylkesvegen veke 35

I midten av veke 35 starter vi opp arbeidet med masseutskiftning av eksisterande fylkesveg frå Nygjerde til Helsetunet. Det blir nytt køyremønster då me stenger sørgåande køyrefelt (Skisse 1 - fase 1), vi legg trafikken over på midlertidig veg som vert etablert på eksisterande gangfelt langs fv. ved Nygjerde. Avkjørsel til Grønalivegen vil være open for trafikk.

Arbeidet med nordgåande køyrefelt (skisse 2 – fase 2) vert ikkje utbetra før vi er ferdig med fase 1.

Arbeidet vil føre til stenging av gangfelt frå Gamle kleppestøveg og busstopp på fv. ved Kleppestø barneskole. Det vert også nytt gangmønster frå fv. mot barneskolen, Grønalivegen og Holmedalen. Sjå skisse 3 for nytt gangmønster.

Alle gåande må følgje skiltet rute for å komme seg til overgangsfelt som tar ein vidare til Kleppestø barneskule, Kleppestø barnehage, med fleire og busshaldeplass for å kome seg nordover.  

Mellombels omlegging av fylkesvegen

Frå 13. juni 2024 vert fylkesvegen flytta på ved Kleppevegen (skisse 1), og det et blir nytt køyremønster. Vi legg trafikken over på den nye bussterminalen slik at arbeidde med utbetring av eksisterande fylkesveg kan gå i gang. Gangfeltet vil følgje nytt køyremønster (skisse 2). 

Prosjektet ber om at omlegging, rute og situasjon blir respektert, og ynskjer at ingen ferdast over trafikkert fylkesveg. Vaktpostar blir satt på staden fram til omleggingsrute er respektert. 

Arbeidet vil vare til haust/vinter 2024.

Endra køyremønster ved Søre myrane 

Frå 28. mai 2024 vert køyremønsteret ved Søre myrane endra, grunna etablering av fylling for ny veg og dropp sone til ungdomskulen. Dagens veg vert flytta ca 15-20 meter opp i bakken ved søre myrane. Køyremønsteret vert uendra, men dette får konsekvens for parkeringsplassane. Det vil bli merka for av og påstigning ved bussoppstilling som vist i skisse. Arbeidet vil bli utført 27-28. mai.

Midlertidig avkjørsel til Helsetunet/legevakt

Frå og med 03. mai 2024 vert gangmønster flytta på ved Helsetunet, grunna ei midlertidig avkjørsel som vert etablert. Tilkomt til Helsetunet og legevakt vert uendra. Parkeringsplassane ved legevakta vert fjerna. Arbeidet vil bli utført fredags ettermiddagen  

Fortau stengt mellom Listeholene og Kleppestø ungdomsskule

I samband med tidlegare varsla sprengingsarbeid på fjellskjeringa, lengst nord i prosjektet, vil no fortauet bli stengt for all ferdsle, frå måndag 11.03.24. Overgangsfeltet vil bli fjerna og vert ikkje tilgjengeleg. For skuleborn vil dette medføre omlegging av gangmønsteret. Entreprenør vil skilte godt, og setje ut vaktpostar på staden fram til omleggingsrute er respektert.

Gåande må ikkje krysse fylkesveg for å komme raskare fram.

Prosjektet ber om at omlegging, rute og situasjon blir respektert, og ønskjer at ingen ferdast langs trafikkert fylkesveg.

Arbeidet blir avslutta i løpet av hausten 2024.

Nytt gangmønster for gåande

Frå torsdag 15. februar 2024 vert gangmønster lagt om mellom Nygjerdet og Helsetunet. Overgangsfelt, busshaldeplass og fortau nordover blir stengd.

Alle gåande må følgje skilta rute til overgangsfelt som tek ein vidare til Kleppestø barneskule, Kleppestø barnehage, og bussehaldeplass for å komme seg nordover.

For skuleborn ved Kleppestø barneskule vil busshaldeplass ved veganlegg vere avstigningshaldeplass i denne perioden. Busshaldeplass sørover er urørt og er operativ som normalt. Skyss er informert om desse endringane. 

Sprengingsarbeid på fjellskjæringa i veke 6

I løpet av veke 6 skal vegprosjektet byrje sprengingsarbeid på fjellskjæringa, lengst nord i prosjektet. Fjellskjæringa skal utførast ved ei sprengingsmetode som heitar kontur. Denne sprengingsmetoden brukast for å redusere oppsprekking av berg, samt skape ein estetisk pen overflate. 
Det visast til SMS som vart sendt ut av entreprenør Bertelsen & Garpestad, 25.01.2024.

Sprengingsarbeidene skal byrje etter kl.16:00. All trafikk kan bli stoppa i inntill 15 minutter, og blir stoppa på trygg avstand frå sprengingsområdet. Det vert utplassert vaktpostar i vegbane, på fortau og stier som er i nærheiten av fjellskjæringa.

Merk: Denne sprengingsmetoda vil, sjøl med dekking, skape høgare lyd.

SMS-varsling blir sendt ut i forkant av sprenginga til dei som har meldt seg på varslinga. Varslinga gir mogelegheit og tid til å forberede mennesker og dyr på høg lyd og vibrasjonar frå sprenginga.  

Meld deg på SMS-varsling for sprengingsarbeid ved Myrane på  Nabovarsel.no

Øvre Kleppe-veg nr.2 stengd frå 08. januar 2024

Arbeidet med vegprosjektet på fv.5254 Myrane er godt i gong, og som ein del av planen må Øvre Kleppe-veg stengast. Vegstenginga og arbeid i krysset skal skje måndag 08. januar 2024, og det er ikkje moglig å passera for køyrande og gågande frå og med denne datoen. Som ein del av faseplanen vert fortauet også stengd.

For køyrande kan avkøyring til Listerholene brukast. For gåande kan gangsti med trapp frå Runderhaugvegen til Grønnlivegen brukast, samt langs Listerholene. Denne vegen går blant anna til Kleppestø barneskole og kollektivhaldeplass ved fylkesvegen. Entreprenør vil skilte om gangveg til blant anna Kleppestø barneksole, og det vert montert lyslenkjer langs anleggsområdet. 

Sprengingsarbeid frå 06.12.23

Frå 06.12 vil det gå føre seg anleggsarbeid også i helgane på Myrane. Entreprenør går då over på ny arbeidstidsordning, rotasjon 15-13. 
Vi startar også opp med sprengingsarbeid der det er planlagt 1-2 salvar dagleg.

Meld deg på SMS-varsling for sprengingsarbeid ved Myrane på  Nabovarsel.no

No startar arbeidet på Myrane

Den 13. november startar entreprenør Bertelsen & Garpestad arbeid på Myrane. Frå 13. til 20. november vil det berre gå føre seg rivingsarbeid, som ikkje vil påverka trafikken eller gåande i noko særleg grad.

Frå den 20. november startar vi med fase 1 (sjå bilete under). Arbeidet omfattar oppbygging av ny kommunal veg, sprengingsarbeid, bygging av ny bussterminal. Anleggsområdet i fase 1 ligg utanfor dagens fylkesveg. Arbeidet vil i denne fasen heller ikkje påverka trafikken noko særleg.

Dette gjer me i fase 1:

Stenging av gangfelt nord for Øvre Kleppe-vegen: Vi vil stengja av gangfeltet for å samla alle gåande på ein gangveg rundt anleggsområdet. Dette tiltaket vil betre tryggleiken for mjuke trafikantar under anleggsperioden.

Flytting av busstopp i Fv. ved Søre Myrene og skiping av ei mellombels busslomme ved Helsetunet: Dette blir gjort for å leggja til rette for busstrafikken og minimera forstyrringar for passasjerane.

Flytting av overgangsfelt ved avkøyringa til Øvre Kleppe-vegen: Ved å flytta overgangsfeltet ca. 65 meter lengre sør i fylkesvegen, reduserer vi risikoen for kollisjonar med anleggstrafikk.

Desse tiltaka er nødvendige for å sikra både trafikktryggleik og effektiv gjennomføring av prosjektet. Vi takkar for tolmodet og bidraget deira til eit trygt og smidig gjennomført prosjekt.

Parkering

Her kan du lese meir om parkeringssituasjonen i Myrane-området