Arbeidet med å utarbeide ein reguleringsplan for løysing for mjuke trafikantar langs Kjøkkelvikveien er ein del av Miljøløftet. Prosjektet er formelt vedtatt etter plan- og bygningslova og skal vere eit grunnlag for bygging av gang- og sykkelveg på strekninga Kjøkkelvikveien mellom Fæsterhuset og Lyderhornsveien på Laksevåg.
Kjøkkelvikveien er ein skuleveg for elevar på Kjøkkelvik barne- og ungdomsskule. I tillegg er det ein del born og unge som ferdast i området til og frå fritidsaktivitetar.
Det er høg trafikk på denne vegen i dag, og det er ein stor del tyngre køyretøy som køyrer til oljeanlegget i Skålevik og næringsområda i Kjøkkelvik.
På strekninga frå krysset ved Sundby-Hvorups veg og sørover er det i dag ein gang- sykkelveg på vestsida som ikkje er etter dagens standard og tilfredsstiller heller ikkje dei krava til som er satt for å betre trafikktryggleiken i området.
Her kan du finne informasjon om ulike tema som er knytt til Kjøkkelvikveien.
(Det er ikkje mogleg å gje innspel då fristen er gått ut)
Når det er laga eit utkast til reguleringsplan, blir det arrangert eit ope møte og/eller ein kontordag for dei som er interessert eller berørt av arbeidet. Vi vil legge fram planutkastet. Etter dette blir reguleringsplanen gjort ferdig og lagt ut til offentleg ettersyn.
Prosjektet er ein del av Mijløløftet som er namnet på byvekstavtalen for bergensområdet. Dette er eit samarbeid mellom Samferdselsdepartementet med Statens vegvesen og Jernbanedirektoratet og Kommunal- og moderniseringsdepartementet med Statsforvalteren i Vestland, Vestland fylkeskommune og kommunene Bergen, Alver, Askøy, Bjørnafjorden og Øygarden.
Den nye byvekstavtalen sikrer over 16 milliarder kroner i investeringar i bergensområdet fram til 2029. Les meir om prosjekta på miljøløftet.no
