Lokal mobilisering mot doping
Arbeidet mot doping er ei viktig samfunnsoppgåve. Vestland fylkeskommune arbeider med dette i satsinga "Lokal mobilisering mot doping".
Vestland fylkeskommune og stiftinga Antidoping Norge (ADNO) samarbeider for å mobilsere unge mot doping.
Samarbeidet setter fokus på doping som eit samfunnsproblem og rettar seg mot vidaregåande opplæring, folkehelse og idretten. Det er også eit mål å inkludere førebyggjande mobilisering mot doping i kommunar i fylket.
Gjennom forpliktande samarbeid mellom fylkeskommunen og ADNO, skal det drivast eit heilskapleg antidopingarbeid som inkluderer planarbeid, førebygging og kompetanseheving.
Målet er nulltoleranse blant unge
Hovudmålet er å gje unge menneske tilstrekkeleg kunnskap og informasjon til å avstå frå dopingbruk. Vidare at desse unge spreier haldninga om nulltoleranse til dopingbruk i lokalmiljøa sine innan idrett og i samfunnet elles.
På denne måten ønsker vi å redusere dei fysiske, psykiske og sosiale konsekvensane hos unge mennesker som følge av dopingbruk.
Føredrag i vidaregåande opplæring
Gjennom samarbeidet tilbyr vi føredrag for elevar og tilsette i videregåande opplæring. Føredraget for elevane handlar om doping, kosttilskot og kroppspress i sosiale medium. Føredraget for dei tilsette tek føre seg seg korleis ein kan førebyggje, oppdage og handtere eventuell bruk av dopingmidlar blant elevane.
Ta kontakt med fylkeskoordinator for å avtale foredrag.
Styringsgruppe Vestland
- Linda Olsen, Antidoping Norge
- Kaja Renolen Haugen, Antidoping Norge
- Britt Karen Spjeld, Vestland fylkeskommune
- Hanne Marte Espe, Vestland fylkeskommune
- Åge Olsen Malmanger, Vestland fylkeskommune
- Randi Marie Berntsen Farnes, Vestland idrettskrets
- Hillevi Elisabeth Runshaug, Vestland fylkeskommune