Tilskot til plastrydding

Fylkeskommunen har vedteke ein plaststrategi (pdf) der målet er ein plastfri natur og eit plastfritt hav.

«Det er viktig for oss at pengane går til både fysisk rydding og til haldningsarbeid slik at det blir mindre å rydde i framtida. Vi ønskjer oss tiltak som engasjerer flest mogleg og som hjelper oss å nå målet i plaststrategien, som er ein plastfri natur og eit plastfritt hav i Vestland», seier fylkesordførar Jon Askeland. 

Kven kan søke?

Ikkje-kommersielle, frivillige organisasjonar og stiftingar, som legg til rette for plastrydding kan søke tilskot i 2025. Dette betyr at til dømes friluftsråda og andre større natur- og miljøorganisasjonar i fylket søke om midlar. Desse aktørane kan legge til rette for og bistå mindre aksjonar og tiltak. 

Denne ordninga opnar ikkje for statsstøtte, og foretak kan difor ikkje søkje midlar. Med "foretak" meiner vi her ein aktør som driv økonomisk aktivitet ved å tilby varar og/eller tenester i ein marknad.

Tilskota kan nyttast det året dei blir delte ut og påfølgjande år. Utbetaling skjer etter søknad når rapport er levert inn. Det er mogleg med ei delutbetaling undervegs basert på dokumenterte utgifter.

Søknadsfrist

18. mars 2025

Korleis søker du?

Søknadane skal sendast gjennom regionalforvaltning.no.

Vi prioriterer desse søknadane (tildelingskriterium)

• Satsingar som mobiliserer fleire personar/aktørar til deltaking.
• Tiltak som høver saman med søkjar sine andre gjeremål slik at det kan bli synergieffekt.
• Tiltak i ein berekraftig organisasjon der ein kan lære av sine erfaringar og utvikle arbeidsområdet vidare.
• Tiltak som har kopling til Plaststrategi for Vestland (pdf).