Mellombels stans i publisering av postlista i sommar

Vestland fylkeskommune stansar mellombels publiseringa av den offentlege postlista på e-innsyn i veke 29–33 (13. juli – 14. august).

Papirkalender med minisolstol og solhatt oppå.
Publiseringa av postlista tek sommarferie, men innsynsretten din gjer det ikkje. Illustrasjonsfoto: Shutterstock.
Av Kommunikasjon Publisert Endra

Dokumentsenteret har redusert kapasitet i sommar på grunn av ferieavvikling og høgt saksvolum. For å sikre kvaliteten på det som vert publisert har vi valt å stanse stanse nettpubliseringa av postlista i denne perioden. 

Journalføringa held fram som normalt 

Den interne journalføringa av all inn- og utgåande post held fram utan avbrot i heile perioden. Det er berre nettpubliseringa på e-innsyn som vert sett på pause.

Når kjem postlista tilbake?

Frå veke 34 startar vi opp publiseringa igjen. Postlistene frå perioden 13. juli – 14. august vil då bli gjort tilgjengelege. 

Innsynsretten din gjeld framleis

Sjølv om postlista ikkje blir publisert på e-innsyn i sommar, har du framleis full rett til innsyn.

  • Frå veke 34 startar vi opp publiseringa igjen, og postlistene frå perioden 13. juli –14. august blir då gjort tilgjengeleg via einnsyn.no
  • Innsyn blir gitt etter offentleglova § 10
  • Frå og med veke 34 vert journalpostar publiserte på postlista fem verkedagar etter journalføringsdato.