Undervisningsopplegget er orientert etter dei sentrale verdiane og kompetansemåla etter 7. og 10. trinn av læreplanen i samfunnsfag og er konkretiserte til klare undervisningstema.
Undervisningsopplegget for 5.-7. trinn er:
Tema for 5.-7. trinn er:
- Ressursfordeling (fattig og rik)
- Konflikthandtering (brotsverk og straff)
- Menneskeverd (nåde med dei fattige).
Undervisningsopplegget for 8.-10.trinn er:
Tema for 8.-10. trinn er:
- Maktfordeling
- Identitet
- Konflikthandtering
Elevtekstane omhandlar emna rikdom og makt, gruppetilhøyrsel, rivaliserande grupper, og sjølvtekt versus rettsorden i lys av norsk mellomalder, medan refleksjonsoppgåvene er knytt til tema i vår tid.
Skulebesøk i landslovutstillinga
Frå september 2024 til april 2025 kan elevane besøke utstillinga Magnus Lagabøtes landslov 750 år. Undervisningsmateriellet kan då nyttast til for- eller etterarbeid. Tilbodet er gratis for alle skular i Vestland fylke. For grunnskulen kombinerer tilbodet omvisning, gruppearbeid og taktile opplevingar, med verkstad der alle får teste fjørpenn og blekk på pergament. For vidaregåande skular er tilbodet utan verkstad, men med meir fokus på samtalar og diskusjon. Meir informasjon om skulebesøk og påmelding finn du på bymuseet.no
I fotspora til Magnus – med 3D
Som ein del av opplegget kan elevane vandre gjennom Magnus Lagabøte sitt Bergen, anten med hjelp av appen fotspor på mobiltelefonen (delingskode: JMNBP) eller i ein heildigital 3D-versjon for klasserommet, dersom klassen ikkje kan reise til Bergen.
Undervisningsfilm
Ein undervisningsfilm med kort bakgrunnsinformasjon om Noreg på 1200-talet passar for alle trinn, og kan brukast uavhengig eller som introduksjon til eit klasseromsopplegg. Du finn filmen på Høgskulen i Vestlandet sin youtube-kanal
Kan ein leike seg til kunnskap?
Det er i alle fall verd eit forsøk! I dei siste åra har pen-and-paper-rollespel vorte veldig populære. Også i skular og museum har ein byrja å bruke dei i formidlinga. I samarbeid med rollespeleklubben «Grip Terningnen» har vi laga eit rollespeleeventyr som passar ypparleg til å fylle dei siste skuledagane før ferien med noko fagleg innhald.
Her hjelper elevane kongen i ei fiktiv verd laga av element av norsk mellomalder og folkeeventyr å finne ei stolen lovbok. Ved sida av lærar elevane om sosialorden og strafferett i mellomalderen.
