Søk tilskot frå Regionalt forskingsfond Vestland
Regionale forskingsfond Vestland har som formål å styrkje FoU-innsatsen hos bedrifter og FoU-miljøa i regionen. Fondet skal stimulere til samarbeid på tvers av fagområde, næringar og bransjar, og utvikling av nye forretningsområde eller nye næringar. Det er Vestland fylkeskommune som forvaltar ordninga.
Regionale forskingsfond blei etablert i 2010 og var fram til 2024 finansiert av statlege midlar. Frå 2025 nyttar Vestland fylkeskommune eigne midlar og har med dette igjen ei regional finansieringsordning for forsking og utvikling. Dette er eit viktig supplement til nasjonale og internasjonale ordningar, som utlysingar frå Forskingsrådet og Horisont Europa.
RFF finansierer FoU-prosjekt som tek føre seg sentrale kunnskapsutfordringar i fylket. Koplinga mellom regionalt prioriterte kunnskapsbehov og regionalt styrte forskingsmidlar gir RFF ei unik rolle i verktøykassa for innovasjon og utvikling.
På RFF sine nettsider finn du alltid aktive utlysingar.