Kompetansemekling (FORREGION Vestland)

For dei fleste bedrifter kan forsking bidra til problemløysing, utvikling og auka verdiskaping. Er du nysgjerrig på kva forsking kan gjere for bedrifta di? Eller har du ein idé til eit forskings- eller utviklingsprosjekt, og lurer på korleis du skal gå fram for å komme vidare?

Då kan det vere ein god idé å ta kontakt med ein av kompetansemeklarane i FORREGION Vestland. Tenesta er gratis. 

Kompetansemeklarane hjelper deg med

  • å identifisere og konkretisere prosjektidear basert på utfordringar eller vekstmoglegheiter i bedrifta di 
  • å vurdere korleis forsking kan bidra til at du kjem vidare med eit prosjekt
  • å finne forskarar med relevant kompetanse
  • å finne dei finansieringsmoglegheitene som kan vere aktuelle for ditt prosjekt
  • å arrangere FoU-møte for å avklare forskingsbehov knytt til konkrete utfordringar for fleire bedrifter i fylket

FORREGION Vestland har knytt til seg ni fagpersonar på Høgskulen på Vestlandet og Vestlandsforsking som kompetansemeklarar. Dei dekker eit breitt spekter av fagområde og har lang erfaring i å skape fruktbare koplingar mellom forskarar og bedrifter. 

Alle typar bedrifter i alle typar næringar i Vestland kan ta kontakt med ein kompetansemeklar. Vi prioriterer bedrifter som har lite forskingserfaring og som har idear som kan føre til innovasjon, berekraftig verdiskaping, grøn konkurransekraft eller klimaomstilling i Vestland.