Lærling som ikkje har bestått fag- eller sveineprøva.

Du kan få meir opplæring ved å forlenge lærekontrakten du har med lærebedrifta di. I nokre tilfelle kan du også få det i ei anna lærebedrift eller som opplæring i skule.

Kor mykje meir opplæring kan eg få?

Det vil variere kor lang tid du som lærling treng til meir opplæring. I nokre tilfelle er det prøvesituasjonen som var utfordrande, medan det i andre kan vere manglande oppnådd tilfredsstillande kompetanse gjennom læretida.

Kva må eg gjere for å få meir opplæring?

Meld frå til oss at du ønskjer meir opplæring ved å sende inn skjemaet i den grønne boksen på denne sida.  Ein rådgjevar frå rettleiingstenesta i Vestland vil ta kontakt med deg og lærebedrifta tid for å finne ut korleis meir opplæringa kan organiserast på best mogleg måte.

Må eg ta i mot meir opplæring for å gå opp til ny prøve?

Du vel sjølv om du vil bruke retten din til meir opplæring. Alle lærlingar som ikkje består fag- eller sveineprøven, har rett på ei ny prøve. Det er lærebedriften din som skal melde deg opp til ny fagprøve.

Kor mange gonger kan eg ta fag- eller sveineprøve som lærling?

Alle lærlingar som ikkje består fag- eller sveineprøven, har rett på ei ny prøve. Avgrensinga om berre ei ny prøve gjeld ikkje for dei som tek i mot meir opplæring.

Eg ønskjer å klage resultatet på fag-/sveineprøven

Dersom du ikkje har bestått fag- elle sveineprøven, kan du klage. Klagefristen er tre veker.

Du kan klage både på karakteren og formelle feil ved gjennomføringa av prøven. Klager på karakter blir behandla av ei sentral klagenemnd som er oppnemnt av Utdanningsdirektoratet. Klager på formelle feil ved gjennomføringa blir behandla av fylkeskommunen si klagenemnd.

Skjema for å klage på fag-/sveineprøve eller kompetanseprøve

Saksbehandlingstida for klager på fag-/sveineprøve er 3 til 6 månader. Du må vente til klagen din er avgjort før du kan gå opp til ny fag- eller sveineprøve. 

Du kan få meir opplæring medan du ventar på at klagen blir avgjort.