Wales
Vil du oppleve britisk kultur, språk og eventyrlege slott så langt auga kan sjå? Då er eitt år i Cardiff noko for deg!
- Årstal
- 2026
Bli med på informasjonsmøte!
Torsdag 30. oktober kl. 17.00 inviterer vi til eit digitalt informasjonsmøte om utveksling i Wales. På møte vil du få informasjon om sjølve ordninga, søknad og kostnadar.
Du går på Cardiff and Vale college og bur på internat på skulen eller hos ein vertsfamilie. Dette er perfekt for å bli godt kjent med britisk skule- og kvardagsliv. Cardiff og Vestland har lange band og kvart år gir vi eit juletre i gåve til byen – ei feiringa du får delta på!
Cardiff er hovudstad og den største byen i Wales. Byen har lange tradisjonar som multikulturell sjøfarts- og universitetsby, og den har alt ein kan ønske seg av kulturelle tilbod. Landet er kjent for sine mange slott, og det skal ha vore over 600 slott i landet på eit tidspunkt. Frå Cardiff er det ein kort togtur til blant anna London og Birmingham.
Bildekarusell
Bildekarusellen inneholder flere bilder og viser ett bilde om gangen. Hvert bilde kan ha bildetekst og en knapp for å vise større versjon av bildet. Bruk forrige og neste knapper for å blad gjennom bildene. Det finnes også en faneliste for å hoppe direkte til et bestemt bilde som kan navigeres med venstre og høyre piltaster.
Ser dette spennande ut?
Finn ut meir om korleis du bur, kva fag du kan ta og korleis du søker ved å klikke på lenka. Det er Nordahl Grieg vidaregåande skule som koordinerer dette tilbodet.
Lurar du på noko?
Ta kontakt med Hege Reksten, internasjonal koordinator på Nordahl Grieg vgs.
- Ring 416 12 083
- Send e-post
Korleis søkjer eg?
Du søkjer på vigo.no.
Du finn skjemaet (og meir informasjon om tilbodet) på nettsida til dei ulike skulane.
Skulane som koordinerer tilboda
Vi har fire koordinatorskular som har ansvar for kvart sitt land. Dei fire skulane er Voss gymnas (Frankrike), Askøy vgs. (Tyskland), Nordahl Grieg vgs. (Wales) og Kvam vgs. (USA).
Koordinatorskulane står for kontakten med samarbeidsskulane i utlandet og oppfølginga gjennom skuleåret.
Elevane som er i utlandet er heile tida registrert som elev ved koordinatorskulen og har derfor dei same rettane som elevar som blir i Noreg.
Samarbeidsskulane har også kontaktlærar som har den daglege oppfølginga av elevane, og som dei kan snakke med dersom dei får problem.
Kostnadar
Utveksling gir same rettar som andre utdanningsordningar, mellom anna rett til bortebuar – og reisestipend frå Statens Lånekasse. Dette dekker i hovudsak dei fleste utgiftene til kost, losji og heimreiser.
Dei som søker seg til Cardiff, Wales, må rekne med å dekke ein del av bukostnadane og utgifter til visum, ekstra helseforsikring og språktest (visum, forsikring og språktest er krav i samband med Brexit).
Du kan lese meir om dette på Lånekassen si nettside.
Korleis søkjer eg Vg3 etter skuleår i utlandet?
Koordinatorskulen hjelper deg med å velje fag som gjer at skuleåret blir godkjent.
I tillegg vil koordinatorskulen gi deg undervisning i norsk. Dette vil anten vere som fjernundervisning eller i form av undervisningsdagar når du kjem tilbake etter skuleåret er slutt.
Du søker deg vidare til Vg3 på vanleg måte før 1. mars på vigo.no.
Du vil som hovudregel få plass ved same skule som du gjekk Vg1, dersom du sjølv ønsker det. Elevar som tar Vg2 heime i Vestland vil ha førerett til inntak ved same skule i Vg3. Det kan derfor hende at det vil bli for mange søkarar i høve til plassar på nokre få skular i bergensområdet.