Tannhelsetilbod til 19-26-åringar

Tannhelsetilbod til 19-24-åringar

Alle som er 19-24 år, og har budd i Noreg i fem år eller meir, har rett på eit oppsøkande og regelmessig tannhelsetilbod hos tannlege og tannpleiar på offentlege tannklinikkar. Dersom du ikkje allereie har avtale om oppfølging på offentleg tannklinikk, men ønsker det, så ta kontakt med din offentlege tannklinikk.

Finn din tannklinikk. 

Kjeveortopedisk behandling og kosmetisk tannbehandling gir ikkje rabatt.

Tannhelsetilbod til 25-26-åringar

Alle som er 25-26 år, og har budd i Noreg i fem år eller meir, har frå 1. juli 2024 rett på 75 prosent rabatt på nødvendig tannbehandling i den offentlege tannhelsetenesta. Tilbodet har ikkje tilbakevirkande kraft. 

Du må sjølv ta kontakt med din offentlege tannklinikk for å få tilbodet. Sjekk her for å finne din tannklinikk. 

Kva gjer du som er 19-26 år for å få tannhelsetilbod med rabatt?

1. Ta kontakt med din offentlege tannklinikk, dersom du ikkje allereie har time eller avtale om oppfølging hos offentleg tannklinikk. Finn din tannklinikk. 
2. Dersom du får beskjed frå den offentlege tannklinikken din om at dei ikkje har kapasitet til å gje deg eit tilbod på noverande tidspunkt, så vil du bli oppfordra om å ta kontakt med ein privat tannlege eller tannpleiar. Det er viktig at du alltid først tar kontakt med din offentlege tannklinikk slik at tannklinikken får registrert deg og dokumentert at dei har vist deg vidare til privat behandlar for at du skal få rabatten også hos privat behandlar.
3.  Ta kontakt med ein private tannlege eller tannpleiar du ønsker å gå til. Den private behandlaren treng informasjon om at
   •  du er i aldersgruppa 21-26 år
   • du har avtale med din offentlege tannklinikken om å oppsøke ein privat behandlar
   • du ber om nødvendig tannbehandling etter takstar fastsett av Helse- og omsorgsdepartementet, der du betalar 25 prosent og behandlar sender faktura til fylket for attståande 75 prosent.  

Tidlegare innsendte refusjonskrav

Om du allereie har lagt ut for heile beløpet for tannbehandlinga,  kan du framleis søke i digital refusjonsskjema. Frå 1. oktober vil det bli stilt krav til at dei private behandlarane fakturerer fylkeskommunen direkte, slik at du slepp å legge ut for totalbeløpet og dermed berre betalar din eigenandel direkte til din private behandlar.  

Digitalt refusjonsskjema

Du brukar det digitale refusjonsskjema dersom du allereie har lagt ut for totalbeløpet på tannbehandling utført privat. Kontonummeret du ønsker å få pengane refundert til må tilhøyre deg for at tilbakeføringa av pengane skal gå igjennom. Hugs å føre opp ditt eige kontonummer og ikkje foreldre eller andre som har lagt ut for deg sine kontonummer. 

Du vil bli bedt om å legge ved spesifisert kvittering på tannbehandlinga. Ei slik kvittering syner godkjent betaling (gjennomført transaksjon) og kva tannbehandling som er utført (spesifisert kvittering). Vi ønsker ikkje kopi av journal.

Frå 1. oktober skal private tannbehandlarar sende faktura direkte til fylket, slik at du ikkje lenger treng å søke om refusjon. 

Ventetid

Vi får inn mange refusjonskrav og saksbehandlingstida kan i periodar vere lang, på opp til 2-3 månadar. Du får ikkje brev om at du har fått refusjon, sjekk gjerne kontoen din.