Stortingsval i Vestland

Måndag 8. september 2025 er det val til Stortinget i dei to valdistrikta i Vestland: Sogn og Fjordane og Hordaland. Fristen for å levere listeforslag er 31. mars kl. 12.00.

Det skal veljast så mange representantar frå kvart valdistrikt:

Sogn og Fjordane: 4 representantar
Hordaland: 16 representantar

Frist for å levere listeforslag

Alle forslag må vere tatt imot av fylkeskommunen innan måndag 31. mars kl. 12.00.

Levere listeforslag elektronisk

For å gjere det enkelt å levere inn listeforslag, er det utvikla ei elektronisk løysing for dette som gjer prosessen enkel. Her kan du opprette listeforslag, samle inn underskrifter og levere listeforslaget til både fylkestings-, kommunestyre- og stortingsval.

Lever listeforslag elektronisk på valg.no

Lever listeforslag på papir

Du kan også levere listeforslag på papir, men den elektroniske løysinga følgjer same regelverk og fungerer på tilsvarande måte som papirløysinga. Listeforslag på papir kan leverast på Vestlandshuset i Bergen eller på fylkeshuset på Hermansverk.

Avtal gjerne tid for slik levering på førehand. Du kan gjere dette ved å sende ein e-post til toralf.rutledal@vlfk.no.

Publisering av listeforslag

Listeforslaga vert publiserte på denne nettsida for offentleg ettersyn så snart dei er mottekne av fylkeskommunen.

Lister kan kallast tilbake heilt fram til dei er godkjende av distriktsvalstyret.

Godkjenning innan 1. juni

Distriktsvalstyret skal godkjenne listene innan 1. juni, og dei godkjende listene blir lagt ut her så snart godkjenningsvedtaket er gjort.