Ni vilttiltak får støtte – 857 000 kroner til prosjekt i Vestland

Midlane går til prosjekt som styrkar kunnskap, forvaltning og rekruttering knytt til haustbare viltartar i fylket.

foto av orrfugl i skog
KARTLEGG ORRFUGL: NNI Resources AS, eit naturfagleg rådgivings- og forskingsmiljø, får støtte til prosjektet «Orrfugl i Vestland – bestander og områdebruk». Prosjektet har fokus på status og endringar hjå orrfugl i utvalde landskap i Vestland fylke. (Foto: Schutterstock)
Av Helen Daae Frøyseth Publisert Endra
– Viltmidlane skal bidra til meir kunnskap om viltressursane våre og til ei berekraftig forvaltning. Prosjekta som får støtte i år spenner frå forsking på sjukdom hos hjort til utvikling av jaktforvaltning og kartlegging av artar. Slike tiltak er viktige både for naturforvaltninga og for rekruttering til jakt og fangst i Vestland, uttalar leiar Sigrid Brattabø Handegard i hovudutval for næring.

Saka vart handsama i hovudutval for næring tysdag 10. mars

Desse prosjekta får støtte

Vestland fylkeskommune mottok i år 19 søknader, der ni er innvilga støtte:

  • Overlappende smittestoffer hos hjort og småfe, NIBIO – Norsk institutt for bioøkonomi: 146 000 kr

  • Orrfugl i Vestland – bestander og områdebruk, NNI Resources AS: 106 000 kr

  • Human jakt, Norges Jeger- og Fiskerforbund Sogn og Fjordane: 55 000 kr

  • Barlind i Vestland 2026, Miljøfaglig Utredning AS: 100 000 kr

  • Leverikter hos hjort, NIBIO – Norsk institutt for bioøkonomi: 80 000 kr

  • Etablering av eit organ for hjorteforvaltning, Hjorteforvaltninga – Øygarden: 45 000 kr

  • Småviltforvaltning, Norges Jeger- og Fiskerforbund Sogn og Fjordane: 50 000 kr

  • A Thriving Coast, Norsk institutt for naturforskning (NINA): 75 000 kr

  • Termiske hjelpemidler under jakt – rapportering, Norsk institutt for naturforskning (NINA): 200 000 kr
Til omtale og vurdering av søknadar om tilskot til vilttiltak for 2026

Om ordninga

Fylkeskommunane har ansvar for forvaltning av haustbare, ikkje-truga viltartar, og ei av oppgåvene er å fordele tilskot til tiltak som styrkjer kunnskap og berekraftig bruk av viltressursane. Ordninga er finansiert gjennom statlege midlar frå viltfondet. I 2026 har Vestland fylkeskommune fått 1,1 millionar kroner til vilttiltak.

Midlane skal gå til tiltak som til dømes:

  • kartlegging av viltressursar og leveområde
  • informasjon om jakt og jaktmoglegheiter
  • tilrettelegging for verdiskaping og rekruttering til jakt og fangst
  • oppretting og drift av lokale samarbeidsråd
  • forvaltningsretta forsking og overvaking av viltbestandane
Prosjekt som er del av eit planmessig arbeid blir prioriterte i ordninga. Frivillige organisasjonar, institusjonar, kommunar og enkeltpersonar kan søke om tilskot.