Eviggrønn av Phillip Spillmann
Kunstnar har laga åtte veggskulpturar med utgangspunkt i brukte spadeblad i ulike storleikar og fargar. Spadeblada er forma ved hjelp av gullsmedverktøy og sett på lange «spadeskaft». Skulpturane er monterte på to veggar, samla i mindre grupper.
- Tittel
- Eviggrønn
- Kunstnar
- Phillip Spillmann
- Stad
- Stord vgs.: gang ved tilrettelagt opplæring, plan 1
- Materiale
- Metall og tre
- Årstal
- 2025
Utforminga av spadeblada gjev assosiasjonar til blader av monstera (også kalla vindaugsblad) og kristtorn. Kristtorn er Noregs einaste eviggrøne lauvtre og trivst særs godt i det milde klimaet på Stord. Ikkje utan grunn finn ein kristtorn i kommunevåpenet.
Monstera er ei eviggrøn, tropisk klatreplante med svært karakteristiske blad. Blada er store, hjarteforma, blanke og ofte gjennomhola. Planta kom til Europa frå Sør-Amerika midt på 1700-talet og blei raskt ei populær stoveplante. På Leirvik kan ein sjå den til dømes på kulturhuset, i kjøpesenteret, i restaurantar, i butikkvindauge og i private heimar. Nokre er levande, andre er masseproduserte i plast.
Kulturhistorisk sett har mange blad spela roller som symbol og motiv i kunsten: kløverblad, vinblad, tempeltreets blad (ginko) og eikeblad, er nokre døme. Som i kommunevåpenet til Stord er også våpenskjoldet oftast utforma som eit (spade)blad.
Bildekarusell
Bildekarusellen inneholder flere bilder og viser ett bilde om gangen. Hvert bilde kan ha bildetekst og en knapp for å vise større versjon av bildet. Bruk forrige og neste knapper for å blad gjennom bildene. Det finnes også en faneliste for å hoppe direkte til et bestemt bilde som kan navigeres med venstre og høyre piltaster.
