Kulturpris for Vestland

Kulturprisen kan gå til personar, lag og organisasjonar som

• har vore ein spydspiss i kunst- og kulturlivet i fylket, og bidrege til å syne fram Vestland som leiande kulturregion
• viser kulturinnsats utover det vanlege, og med tyding for heile eller ein større del av fylket
• viser kreativitet og evne til nyskaping og/eller har gjort ein særleg innsats i å ivareta og formidle kulturarven

Prisen skal vere til inspirasjon for aktørar som står sentralt i arbeid med å halde ved like og vidareutvikle det kulturelle mangfaldet i fylket. 

Slik nominerer du nokon til fylkeskulturprisen

Du sender nominasjonen din via eit digitalt skjema. Der du må grunngje kvifor du meiner den eller dei du nominerer, fortener prisen. Du kan ikkje nominere deg sjølv.

Dette får prisvinnaren

Fylkeskulturprisen er på 50 000 kr. I tillegg får kulturprismottakaren eit diplom eller anna høveleg teikn på kulturprisen.

Tildelinga av fylkeskulturprisen vert offentleggjort når hovudutval for kultur, idrett og inkludering har gjort vedtaket sitt. Utdelinga skjer i samband med fylkestinget i desember kvart år. 

Nominasjonsfrist

15. september 2025