Fartøyvern i Vestland

Vestland er eit kyst- og fjordfylke med ei rik maritim historie. Her finn du flest freda og verneverdige fartøy i landet – levande kulturminne som fortel historia om livet langs kysten. Å ta vare på desse fartøya er ei viktig oppgåve for både fylkeskommunen og frivillige miljø.

Fartøyvernet i Vestland er bygd på sterk frivillig innsats og solide fagmiljø. Vestland fylkeskommune jobbar for å

  • styrke vilkåra for dei som eig og driftar fartøya
  • sikre vidareføring av kunnskap og handverkstradisjonar
  • leggje til rette for rekruttering av nye generasjonar

Fartøyvern har vore prioritert på lik linje med andre kulturminneområde i fylket.

Verneflåten i Vestland

I Noreg har rundt 250 fartøy vernestatus, og 16 er freda. I Vestland er 48 fartøy verna og 4 freda etter kulturminnelova § 14a.

Du kan lese meir om desse fartøya i portalen kulturminnesøk på nettsidene til Riksantikvaren. 

Regionalt ansvar

Sidan 2020 har fylkeskommunane hatt ansvar for forvaltning av verna og freda fartøy. Det betyr at Vestland fylkeskommune

  • utarbeider nye fredingsforslag
  • gir rettleiing i enkeltsaker
  • behandlar søknader om
    • dispensasjon frå fredingsvedtak
    • utførsel av fartøy
    • status som verna skip

Fylkeskommunen har også ansvar for tilskotsordninga for fartøy (post 74).

Tilskot til fartøyvern

Fartøy med heimehamn i Vestland og status som verna eller freda skip kan søke om støtte til