Inviterer til dialogkonferanse om bruvedlikehald
Vestland fylkeskommune ønsker innspel på korleis ein kan gjennomføre prosjektet for bruvedlikehald og installasjon av katodisk beskyttelse på Herdlesundet bru på best mogleg måte.
![Bru over sjø. Bustadar på ein øy.](/globalassets/fylkesveg/vegprosjekt/herdlasundet-bru.jpg/LargeImage)
Gjennomføring av dialogkonferansen
Vestland fylkeskommune held eit digitalt møte med informasjon om prosjektet og kva dei ønsker å oppnå med dialogkonferansen. Dialogen vert følgt opp med 1:1 samtalar med aktuelle leverandørar frå målgruppa. Desse samtalane kan gjennomførast ved fysisk oppmøte eller digitalt etter leverandøren sitt ønske.
Vi ønsker å finne metoden som gjev best mogleg resultat med tanke på forholdet mellom kvalitet, praktisk gjennomføring og pris. Innspela tek vi også med oss til nytte for liknande prosjekt i framtida.
Avdeling Infrastruktur og veg i Vestland fylkeskommune har ansvar for vedlikehald av om lag 2000 bruer i Vestland.
Felles for mange av bruene i Vestland fylke er at det ikkje eksisterer alternativ omkøyringsveg. Dette kan gjere det krevjande å utføre vedlikehaldsarbeid på bruene samstundes som vegen og brua vert haldt open for køyretøy og mjuke trafikantar.
Kva ønsker vi svar på i dialogen?
- Kva meiner markedet er dei største utfordringane knytta til katodisk beskyttelse av betongbruer og kva løysingar kan ein eventuelt nytte i slike høve?
- Kva alternative løysingar er aktuelle for Herdlesundet bru?
- Korleis kan vi løyse dei trafikkmessige utfordringane?
- Kva er behovet for vegstenging ved dei ulike løysingane?
- Kva informasjon treng leverandørar ved utlysing av konkurransen?
- Korleis kan vi legge til rette for at leverandør er best mogleg førebudd når dei leverer tilbod?
- Korleis skal Vestland fylkeskommune utforme tildelingskriteria for at leverandør skal kunne svare godt på dei i tilbodet sitt?
- Vestland fylkeskommune planlegg å nytte seg av tre tildelingskriteria:
- Pris
- Gjennomføringsevne: beskrivelse av korleis det er tenkt å løyse oppgaven, inkl. framdriftsplan.
- Kva tiltak vil ha størst klimagevinst? (gjeld både førebuingsfase, utførelsefase og bruksfase, restlevetid/framtidig vedlikehaldsbehov).
Målgrupper
- Leverandørar som har erfaring i installasjon av katodisk beskyttelse
- Leverandørar som har erfaring med prosjektering av katodisk