Friluftslivets år 2025

Friluftslivets år er ei landsdekkande markering som blir arrangert kvart tiande år. Vestland fylkeskommune er sjølvsagt med, og det er ein eigen aktivitetskalender for arrangement i fylket!

Vi skal mellom anna ha søkjelys på korleis vi får auka deltaking i friluftslivsaktivitetar, korleis vi kan inkludere fleire, og korleis ein slik inkludering kan vere varig. Eit viktig delmål blir å undersøke korleis ein kan bygge ned barrierar for utanforskap ved deltaking i friluftsliv.

Hovudmålet med året er å skape begeistring for eit naturvenleg friluftsliv, og å senke terskelen for å delta. Organisasjonar og lokale lag som tilbyr aktivitetar skal løftast fram, og det skal vere enkelt å finne dei. Slik kan du bli ein del av eit miljø, og bli trygg på å vere ute i naturen. Då blir det òg enklare å utforske naturen på eiga hand når du ønsker det.

Kva skjer?

Det er allereie planlagt fleire arrangement i Vestland fylke.

Oversikt over kva som skjer finn du på aktivitetskalender for Friluftslivets år 2025

Her kan ein også legge inn kommande aktivitetar sjølv: følg oppskriften på nettsida. 

Det er planlagt ei webinarrekke på friluftsliv som skal løpe ut 2025. Aktuelle tema er mellom anna historisk og moderne friluftsliv, allemannsrett og -plikt, naturvennleg tilrettelegging for friluftsliv, friluftsliv og psykisk helse, m.m.

Vi legg ut opptak av alle webinar etter kvart. Følg med nederst på denne sida!

Har du eit tema du meiner vi treng meir kunnskap om?

Ta gjerne kontakt med prosjektleiar for Friluftslivets År i Vestland fylkeskommune om du har tips. 

I løpet av 2025 vil vi halde fleire webinar og konferanser om friluftsliv.

Opptak frå webinar og konferanser som haldast i Friluftslivets År 2025 leggast ut på denne sida etter kvart - følg med!