Søk om serviceskilt og skilt til verksemder

Dette kan du søke om 

• serviceskilt. Serviceskilt har til hensikt å fortelje trafikantane om servicetilbod som ligg like ved vegen du ferdast på. 
• verksemdvisning til di verksemd langs fylkesveg. Verksemdvisning har til hensikt å hjelpe trafikantane med å finne frem til verksemder i området langs vegen. 

Kven kan søke 

Verksemder og organisasjonar. 

Dette må du ha med i søknaden 

• kven som er søkar 
• organisasjonsnummer  
• kart med plasseringa til servicestaden i høve fylkesvegen 
• type verksemd  
• ønska symbol og tekst 
• avkøyrsel og parkeringsareal er godkjend 

Alle skilt som skal nyttast til serviceskilt og verksemdvisning skal utformast etter reglene i handbok N300, og du kan berre bruke symbol som er del av skiltforskifta. Bedriftslogoer og spesielle skrifttyper skal ikkje nyttast. 

Vegnormal N300 Trafikkskilt: Serviceskilt og verksemdsvisning  

Korleis vurderer vi søknaden 

Det er fleire vilkår som må vere oppfylt for å få innvilga skilting, både generelle vilkår og særlege vilkår knytt til det enkelte skilt. 

Dersom vi meiner det er grunnlag for å skilte, sender vi saka vidare til Statens vegvesen for vedtak.  

I nokre høve er det krav om eigenandel for serviceskilt og verksemdvisning, jf. skiltforskrifta § 39 og 40.