Søk om støtte til forprosjekt

FORREGION Vestland gir støtte til innleiande forskings- og utviklingsprosjekt (FoU-prosjekt). Bedrifter i Vestland med lite eller inga forskingserfaring kan søke.

Ordninga er innretta for å kunne møte behova bedriftene har i ulike fasar av innovasjonsarbeidet. FORREGION Vestland gir derfor støtte til to typar forprosjekt:

  • Nivå 1: Prosjekt heilt i startfasen der målet er å avklare innleiande problemstillingar saman med forskar. Her kan prosjekt få inntil 200 000 kroner i støtte. Søknader blir behandla fortløpande.  
  • Nivå 2: Prosjekt som systematiserer konkrete forskingsutfordringar på ein måte som kan leie til større forskingsprosjekt støtta av Forskingsrådet eller EU. For prosjekt på nivå 2 er krava høgare til prosjektkvalitet og gjennomarbeiding av søknaden. Her kan prosjekt få inntil 400 000 kroner i støtte. Søknader blir behandla 3–4 gonger årleg etter gitte søknadsfristar. 

Om tilskotsordninga

For å få tilskot må bedrifta samarbeide med ein godkjend forskingsorganisasjon. Bedrifta må òg ha ambisjon om at forprosjektet skal føre til vidare arbeid med forsking. 

Alle som skal søke, må ha dialog med og rettleiing frå ein kompetansemeklar i søknadsprosessen. Dette er ei gratis teneste som både skal sikre at alle formelle krav er oppfylte og bidra til god kvalitet på søknaden. 

Kompetansemeklarane hjelper til med identifisering og konkretisering av tema for forprosjektet, basert på dei utfordringar bedriftene tar opp. Kompetansemeklarane kan også gi råd om formelle krav til søknadsutforming, budsjettering og oppsett av sjølve søknaden. Bedriftene bestemmer sjølve kor mykje kompetansemeklarane skal vere involvert i søknadsarbeidet.  

Prosjektideen må ha som mål å utvikle ein innovasjon som kan bidra til berekraftig verdiskaping, grøn konkurransekraft eller klimaomstilling i Vestland. 

Så mykje kan bedrifter få i støtte

Bedrifter i Vestland fylke kan søke om støtte på inntil 200 000 kroner til forprosjekt på nivå 1. For forprosjekt på nivå 2 kan de søke om inntil 400 000 kroner.  

Maksimal støttegrad er 70 prosent av prosjektkostnadene, innanfor ramma av statsstøtteregelverket.  

Av tildelt støtte skal minst 70 prosent gå til å finansiere innsatsen til forskingspartnaren i prosjektet. Bedrifta må stille med minst 30 prosent eigenfinansiering av samla prosjektkostnader.  

Bedriftene må gjennomføre prosjektet i samarbeid med ein godkjend forskingsorganisasjon. Kompetansemeklaren hjelper deg med å etablere kontakt med forskarar som har relevant kompetanse for det enkelte prosjekt.  

  • Prosjektet du søker støtte til, må vere eit samarbeid mellom bedrifta di og minst ein godkjend forskingsorganisasjon. 
  • Bedrifta må ha en ambisjon om at arbeidet skal føre til vidare forsking. Forprosjektet bør være ei førebuing til å delta i andre finansieringsordningar for forsking, til dømes Forskingsrådet eller EU sitt forskings- og innovasjonsprogram Horisont Europa.  
  • Prosjektsøknaden må ha informasjon om innovasjonen forskinga skal bidra til å utvikle. 
  • Prosjektet kan få inntil 200 000 kroner i støtte på nivå 1 og 400 000 kroner på nivå 2.   
  • Minimum 70 prosent av støttebeløpet skal gå til innkjøp av tenester frå ein godkjend forskingsorganisasjon. 
  • Bedrifta må bidra med minimum 30 prosent av godkjente prosjektkostnader i eigenfinansiering. 
  • Prosjektet varer i 4–12 månader. 

Industriell forsking eller eksperimentell utvikling? 

Prosjektet må bidra enten til industriell forsking eller eksperimentell utvikling i tråd med definisjonane til Forskingsrådet. 

  • Industriell forsking: Handlar om å etablere ny kunnskap eller ferdigheiter for å utvikle nye eller forbetra produkt, prosessar eller tenester. 
  • Eksperimentell utvikling: Handlar om å nytte eksisterande kunnskap på nye måtar eller på nye område for å utvikle nye eller forbetra produkt, prosessar eller tenester. 

Klassifiseringa har innverknad på kor mykje støtte ei bedrift kan få. Industriell forsking kan få meir støtte enn eksperimentell utvikling. 

Kompetansemeklaren kan gi nærare informasjon om krava til søknaden, og hjelpe bedrifta i arbeidet med å etablere prosjektet i tråd med gjeldande reglar. 

Kva kan midlane brukast til? 

Følgjande kostnader kan inngå i prosjektet: 

Korleis søker du? 

Søknaden sendes inn gjennom søknadsportalen til Regionalt forskingsfond Vestland.